Almaty qalasy Bílím basqarmasynyń Qalalyq bílím berudegí jańa tehnologıyalardyń ǵylymı-ádístemelík ortalyǵynyń bastamasymen «Alem» Nauryzbaı audandyq oqushylardyń ınnovatsıyalyq shyǵarmashylyq ortalyǵynda qazaq tílí men ádebıetí pání mūǵalímderíníń arasynda óńírlík kásíbı «Babalar amanaty» baıqauy óttí.
«Baıqau maqsaty – atauly kúnderdí jáne mereıtoı ıeleríníń mūralaryn nasıhattau, tarıhqa qūrmetpen qarap, taǵylymyn dárípteu. Oǵan Almaty qalasynyń 8 audanynan (Alatau, Almaly, Áuezov, Bostandyq, Jetísu, Medeu, Nauryzbaı, Túrksíb), Almaty oblysynyń Qonaev qalasy men Íle, Qarasaı, Raıymbek audandarynan, Túrkístan oblysynyń Túlkíbas audanynan, Jetísu oblysy, Shymkent qalasy jáne Jambyl oblysynan mūǵalímder qatysty. Oza shapqan áríptesterdíń báríníń eńbegí salmaqty, ūrpaqqa bererí bar», – deıdí Abaı atyndaǵy Ūlttyq pedagogıkalyq unıversıtetíníń fılologıya ǵylymdarynyń kandıdaty, dotsent Ersaıyn Moldasanov.
Baıqaudyń jeńímpazdary Almaty qalasy Bílím basqarmasynyń Í, ÍÍ, ÍÍÍ dárejelí dıplomdarymen, estelík statuetkalarmen, kítaptarmen marapattaldy.
Qazaqtyń ūly aqyny Abaı (Ibrahım) Qūnanbaıūlynyń 180 jyldyǵyna oraı ótken «Aqynnyń qalamy – adaldyq alańy» saıysynda Í oryn №145 mektep-gımnazıyanyń qazaq tílí men ádebıetí pání mūǵalímíne būıyrdy.
Al «Aıtsyn dep aqıqatty tíldí bergen» aqyndar aıtysy qazaq poezıyasynyń alyby, aqyn, ūly jyrshy Jambyl Jabaevtyń 180 jyldyǵyna arnalǵan bolatyn. Onyń júldelí Í ornyn Qarasaı audany Y.Altynsarın atyndaǵy orta mekteptíń qazaq tílí men ádebıetí pání mūǵalímí Tūrsyn Shynarbek ıelendí.
«Bír shyǵarma ízímen» ádebı saıysynyń (halyq qaharmany, jazushy Bauyrjan Momyshūlynyń 115 jyldyǵyna oraı ótken ís-sharada) Í ornyn №69 jalpy bílím beretín mekteptíń qazaq tílí men ádebıetí pání mūǵalímí Shyńǵys Qasymbaı aldy.
«Ǵalymnyń haty ólmeıdí» saıysy kórnektí aǵartushy, tarıhshy, publıtsıst, geograf, muzyka zertteushí, arheolog, etnograf Shoqan Shyńǵysūly Uálıhanovtyń 190 jyldyǵyna oraı ótken. Í oryn – Íle audany №40 orta mekteptíń qazaq tílí men ádebıetí pání mūǵalímí Torǵyn Áurenbaevada.
Al «Ómír – óner, óner – ólshem...» saıysy qazaqtyń tūńǵysh romanynyń avtory, aqyn, publıtsıst, mádenıet jáne qoǵam qaıratkerí Mírjaqyp Dulatovtyń 140 jyldyǵyna arnalǵan bolatyn. Júldelí Í oryn №206 mektep-gımnazıyanyń qazaq tílí men ádebıetí pání mūǵalímí Mereı Saparbaı ıeleníp, mereıí ústem boldy.
Ekínshí, úshínshí oryn alǵan ūstazdar da baǵaly syılyqtarmen marapattaldy.