Almaty metrosynda sońǵy jyldary jolaushylar sany artqan saıyn, jarnamalyq jáne kommertsıyalyq belsendílík te óse tústí. Būl turaly Aqshamnews.kz saıty habarlaıdy. Jarnamalyq keńístíkterdíń jalǵa beríluí qala byudjetíne 430 mıllıon teńgeden astam tabys ákeldí.
Kímge tıesílí?
"Metropolıten" kásíporny jarnama qyzmetín tíkeleı atqarmaıdy. Jarnama men kommertsıyalyq keńístíkterdí jalǵa beru máselesí Almaty qalasynyń memlekettík aktıvter basqarmasy arqyly júzege asady. Al túsken qarjy jergílíktí byudjetke baǵyttalady.
Naqty sandar
2022 jyldan 2025 jyldyń 1 mamyryna deıín jarnama men sauda oryndarynan:
- 2022 jyly – 61,6 mln teńge
- 2023 jyly – 120,9 mln teńge
- 2024 jyly – 188,9 mln teńge
- 2025 jyly (mamyrǵa deıín) – 58,8 mln teńge
Jalpy – 430,3 mln teńge byudjetke túsken.
Jolaushy tasymalynan túsken kírís te artuda:
- 2022 j. – 1,18 mlrd teńge
- 2023 j. – 1,8 mlrd teńge
- 2024 j. – 2,17 mlrd teńge
- 2025 j. (sáuírge deıín) – 832 mln teńge
Sarapshylardyń aıtuynsha, mūndaı tájírıbe álemde keń taralǵan. Alaıda túsken qarjynyń qoǵamdyq kólík sapasyn jaqsartuǵa jūmsaluy mańyzdy. Byudjetke tíkeleı túsuí – ashyqtyq pen tıímdílíktíń kórsetkíshí.