Búgín Almaty metropolıtení ashylǵanyna 14 jyl toluyn atap ótude. Osy jyldar íshínde metro qala tūrǵyndary men qonaqtaryna jyldam, qauípsíz jáne ekologıyalyq taza tasymaldau qyzmetín kórsetetín eń mańyzdy árí senímdí qoǵamdyq kólík túrleríníń bíríne aınaldy.
Jelí íske qosylǵan sátten bastap metropolıten 200 mıllıonnan astam jolaushyny tasymaldady, al kún saıyn jerasty kólígí 120 myńnan astam jolaushyǵa qyzmet kórsetedí.
Metronyń úzdíksíz jūmysyn 1500-den astam maman qamtamasyz etedí - mashınıster, ınjenerler, dıspetcherler, kassırler, stantsıya kezekshílerí, qauípsízdík qyzmetíníń qyzmetkerlerí jáne basqa da kóptegen kásíbı mamandar.
Almaty metropolıtení belsendí damuyn jalǵastyruda. Batys baǵytynda jelíní keńeıtu boıynsha auqymdy joba júzege asyrylyp jatyr. Qazírgí uaqytta «Qalqaman» stantsıyasynyń qūrylysy ayaqtaluǵa jaqyn, sondaı-aq «Barlyq» bazaryna deıíngí taǵy úsh stantsıyanyń jobalau jūmystary júrgízílude.
Metropolıtendí damytu qalanyń kólík júıesín jaqsartuǵa, halyqtyń mobıldígín arttyruǵa jáne jaıly qala ortasyn qalyptastyruǵa baǵyttalǵan mańyzdy qadam bolyp tabylady.