Almaty ákímí Darhan Satybaldy Sankt-Peterburg gubernatory Aleksandr Beglovpen kezdestí, dep habarlaıdy aqshamnews.kz tílshísí.
Bıyl Almaty men Sankt-Peterburg arasyndaǵy seríktestík qatynastyń ornaǵanyna 30 jyl toldy. Osy uaqyt íshínde ekí qala túrlí salada tūraqty baılanys ornatty. Kezdesude yntymaqtastyqty odan árí damytu jáne bírlesken jobalardy júzege asyru máselelerí talqylandy.
Kólík ınfraqūrylymyn, sonyń íshínde jeńíl relstí kólíktí damytuǵa erekshe nazar audaryldy. Almaty Sankt-Peterburgtíń qoǵamdyq kólík jūmysyn ūıymdastyru tájírıbesíne qyzyǵushylyq tanytyp otyr.
Sondaı-aq taraptar mádenıet, turızm, bílím, ǵylym jáne aqparattyq tehnologıya salalaryndaǵy yntymaqtastyqty talqylady. Unıversıtetter, mádenıet mekemelerí men salalyq ūıymdar arasyndaǵy tíkeleı baılanysty keńeıtu qajettígí atap ótíldí.
Kezdesu qorytyndysy boıynsha yntymaqtastyqtyń naqty baǵyttary boıynsha jūmysty jalǵastyru jónínde uaǵdalastyqqa qol jetkízíldí.