Almatyda bílím beru mekemeleríníń qauípsízdígí men tsıfrlanuyn qamtamasyz etudí kózdeıtín úsh jyldyq auqymdy baǵdarlama ayaqtaldy. Búgíngí kúní qaladaǵy barlyq memlekettík mektep (216) pen balabaqsha (196) keshendí qauípsízdík júıesímen jabdyqtalǵan.
Būl júıege beınebaqylau, dabyl túımelerí, kíríp-shyǵudy baqylaıtyn júıeler men órt dabyly kíredí. Óńírlík kommunıkatsıyalar qyzmetínde ótken baspasóz máslıhatynda qalalyq Bílím basqarmasynyń basshysy Saıran Saıfedenov osylaı dedí.
Bílím beru mekemeleríne barlyǵy 21 106 tsıfrlyq beınekamera ornatyldy, onyń 12 450-í mektepte, 8 656-sy balabaqshada ornalasqan. Barlyq nysandarǵa bír-bírden 412 dabyl túımesí qoıylǵan. Mektepke kíríp-shyǵudy basqaratyn, baqylaıtyn júıe engízílse, balabaqshalarǵa domofon ornatyldy. Sonymen qatar, ár nysanda órt dabyly júıesí de jūmys ísteıdí.
Prezıdentímízdíń «Ádílettí Qazaqstan: bárímíz jáne árqaısymyz úshín. Qazír jáne árdaıym» atty saılaualdy baǵdarlamasyn júzege asyru ayasynda, 2025 jylǵa qaraı Almatyda jan basyna qarjylandyru esebínen 75 jańa pándík kabınet (hımıya, fızıka, bıologıya, STEM jáne robototehnıka) satyp alu josparlanǵan. 2025 jylǵy 4 tamyzda 41 kabınet tolyq jetkízílíp, paıdalanuǵa berílgen, 24 kabınettí jetkízu jaǵy qolǵa alyndy, 10 kabınet boıynsha baıqau rásímderí ótíp jatyr.
Qazír Almatynyń 216 mektebí 1 095 mamandandyrylǵan pándík kabınettermen jabdyqtalǵan, olardyń 991-í jańartylǵan úlgídegísí. Būl jalpy sanynyń 90,5%-y degen sóz. Almaty osy jaǵynan basqa óńírlerdíń arasynda kósh basynda kele jatyr.
Barlyq mektepr jyldam ınternetpen qamtylǵan. Optıkalyq-talshyqty baılanys jelísíníń (OTBJ) arqasynda 216 mekteptíń árqaısysy sekundyna 100 Mbıt jyldamdyqpen jelíge kíre alady. Internet qauípsízdígín arttyru maqsatynda CGNAT (Carrier-Grade Network Address Translation) júıesí engízíldí. Būl júıe tyıym salynǵan, terrorıstík jáne basqa da qajetsíz resurstarǵa kíríp-shyǵudy shekteuge múmkíndík beredí.
Mektepter men balabaqshalarda qauípsízdíktí, tsıfrlandyrudy jáne tehnologıyalyq jańǵyrtudy qamtamasyz etudíń keshendí tásílí qauípsíz jáne tehnologıyalyq bílím beretín orta qūryp jatqan Almatyny búkíl el boıynsha aldyńǵy qatardaǵy qalalardyń bíríne aınaldyryp otyr.
