Almatyda 7 jáne 9 mamyr merekelerí keń kólemde toılanady, – dep habarlaıdy aqshamnews.kz tílshísí.
Almatyda mamyr aıynyń aıtuly merekelerí – Otan qorǵaushylar kúní (7 mamyr) jáne Jeńís kúníne (9 mamyr) arnalǵan saltanatty, mádenı jáne patrıottyq ís-sharalar ótedí. Qalada resmı rásímderdí, kontsertter men kórmelerdí, taqyryptyq kezdesuler men kıno kórsetílímderín, sondaı-aq eske alu aktsıyalaryn qamtıtyn auqymdy baǵdarlamalar josparlanǵan.
7 mamyr – Otan qorǵaushylar kúní
Negízgí ís-sharalar
Saǵat 09:00-de Otan qorǵaushylar kúníne oraı «Sūńqar» halyqaralyq shańǵy tramplınderí keshenínde qala basshylyǵynyń, kúshtík qūrylymdar men áskerı qyzmetshílerdíń qatysuymen Memlekettík Tu kóteru saltanatty rásímí ótedí.
Saǵat 10:00-de 28 gvardıyashy-panfılovshylar sayabaǵynda otandyq estrada jūldyzdary men ónerpazdardyń qatysuymen merekelík kontserttík baǵdarlama bastalady. Kontsertte Roza Rymbaeva, Talǵat Kúzembaev, Maqsat Rahmet, Seríkbol Saılaubek, Qazybek Ádíkeev, Dáuren Baıbórí sıyaqty óner maıtalmandary, sondaı-aq «Alatau serílerí», «KeshYOU», «Muzart Life», «Alashūly» jáne «Arǵymaq» toptary, Almaty óńírlík garnızonynyń artısterí óner kórsetedí.
Sonymen qatar, qūqyq qorǵau jáne qorǵanys organdarynyń aumaqtarynda, sondaı-aq basqa da eskertkíshter men stelalardyń janynda Dańq memorıalyna jáne qyzmettík boryshyn óteu kezínde qaza tapqan áskerı qyzmetshílerdíń qūrmetíne ornatylǵan monumentterge gúl qoyu rásímderí ótedí.
Merekelík baǵdarlama ayasynda qalada kontsertter, qaıyrymdylyq aktsıyalary, chellendjder, baıqaular, teatrlandyrylǵan qoıylymdar, ádebı keshter men taqyryptyq synyp saǵattary josparlanǵan.
6 mamyr:
D. Qonaev muzeıínde «Aıbyndy ásker – táuelsízdík tíregí» atty tanymdyq sabaq jáne ekskursıya.
Alatau Creative Hub ortalyǵynda «Otan qorǵau – paryz, maqtanysh, abyroı» atty patrıottyq saǵat.
Nauryzbaı audanynyń komyunıtı ortalyǵynda (Júnísov kósh., 4/2a) «Batyrǵa hat» aktsıyasy.
Medeu audanynyń komyunıtı ortalyǵynda (Halılullın kósh., 140/5) audan jastarynyń Qazaqstan Respublıkasy Ūlttyq ūlannyń ókílderímen «Erlík sabaǵy» atty kásíbı baǵdar beru kezdesu-sūhbaty.
Bauyrjan Momyshūly atyndaǵy áskerı-sport kolledjí tárbıelenushíleríníń qatysuymen (Pyatnıtskıı kósh., 100) «Ūrandy eldíń – ūrpaǵy qaısar» atty merekelík ís-shara.
Saǵat 15:00-de Qalalyq jıyn punktínde (Berıng kósh., 31) saltanatty ís-shara ótedí. Baǵdarlamada ónerpazdardyń qatysuymen kontsert, sondaı-aq Nauryzbaı audany áskerge shaqyrylushylaryn Qazaqstan Respublıkasy Qaruly Kúshterí qataryna saltanatty túrde shyǵaryp salu rásímí ūıymdastyrylady. Áskerge attanushylar men olardyń ata-analary úshín arnaıy kezdesu ótkízíledí.
7 mamyr:
«Almaty Gallery» galereyasynda (Dostyq dańǵyly, 44) Otan qorǵaushylar kúníne oraı ūıymdastyrylǵan suretshí-músínshí, dızaıner jáne fotojurnalıst Dáuren Maqsūthanūlynyń «Izobrazıtelnyı mır» atty jeke shyǵarmashylyq kórmesí saltanatty túrde ashylady.
Alatau audanynyń komyunıtı ortalyǵynda «Batyrlarǵa taǵzym» atty patrıottyq synyp saǵaty.
Medeu audanynyń komyunıtı ortalyǵynda balalarǵa arnalǵan merekelík ashyq hattar daıyndau boıynsha «Qorǵaushyǵa syılyq» sheberdíń dárísí.
Nauryzbaı audanynyń komyunıtı ortalyǵynda «Erlík – elge mūra» atty patrıottyq kezdesu.
«Kıno-marafon»: Jetísu audanynyń komyunıtı ortalyǵynda jáne amfıteatrda (Shūǵyla sh/a., 347) patrıottyq taqyrypta otandyq kórkem fılmderdíń ashyq aspan astyndaǵy kórsetílímí.
MEGA Park aumaǵynda 600 adamnyń qatysuymen ótetín «El qorǵany – erler» atty írí patrıottyq ís-shara.
9 mamyr – Ūly Otan soǵysyndaǵy Jeńís kúní, negízgí ís-sharalar
Saǵat 09:30-da 28 gvardıyashy-panfılovshylar sayabaǵynda Dańq memorıalyna gúl qoyu rásímí ótedí.
Saǵat 10:00-de 28 gvardıyashy-panfılovshylar sayabaǵynda otandyq estrada jūldyzdarynyń qatysuymen merekelík kontsert bastalady.
Sondaı-aq, 28 gvardıyashy-panfılovshylar sayabaǵynda Ūly Otan soǵysynyń ardagerlerí men tyl eńbekkerlerí úshín dala ashanasy ūıymdastyrylyp, merekelík túskí as beríledí.
9 mamyr kúní negízgí kontsertten bólek, qalanyń ár audanynda merekelík baǵdarlamalar ótedí:
Almaly audany – A. Imanov atyndaǵy skver.
Alatau audany – Atletıkalyq auyl (Nūrkent, 5).
Áuezov audany – «Family Park» demalys sayabaǵy.
Jetísu audany – Ál-Farabı atyndaǵy skver (Aınabūlaq y.a.)
Túrksíb audany – S. Seıfullın atyndaǵy sayabaq.
Nauryzbaı audany (8 mamyr) – №187 mektep-gımnazıya (S. Jandosov kósh., 2).
Saǵat 19:00-de amfıteatrda (Shūǵyla sh/a., 347) Ūly Otan soǵysyna qatysqan batyrlardyń erlígíne arnalǵan otandyq fılmderdíń «Kıno-marafony» ótedí.
6 mamyr:
Belsendí ūzaq ómír súru ortalyǵynda (Seıfullın dańǵyly, 597) «Jelbíreıdí Jeńís tuy» atty ádebı-muzykalyq kesh.
«Qamqor» áleumettík úıínde (Tílendıev kósh., 256/1) «Jeńís kúní – eske alu jáne dańq kúní» atty kontsert.
A. P. Chehov atyndaǵy ortalyq qalalyq kítaphanada (Gogol kósh., 109) «Máńgí óshpes erlík – Ūly Jeńís» atty patrıottyq kesh.
«Almaty Gallery» galereyasynda (Dostyq dańǵyly, 44) belgílí fotograf Valerıı Korenchuktíń «Jeńís jady» atty kórmesí.
8 mamyr:
D. Qonaev muzeıínde «Ūly Jeńís qaharmandary» atty fotokórme.
Yqylas atyndaǵy halyq muzykalyq aspaptar muzeıínde «Án – Jeńístíń serígí» atty muzykalyq kesh.
Memlekettík akademıyalyq quyrshaq teatrynda soǵys jyldarynyń auyrtpalyǵyn bayandaıtyn belgílí jazushy Sh. Aıtmatovtyń shyǵarmasy boıynsha sahnalanǵan «ANA-JER ANA» spektaklí.