Almatyda dóńgelek ústel ótíp, onyń barysynda salalyq jáne jergílíktí kásípodaq tóraǵalary 2026 jylǵy 6 aqpandaǵy Qazaqstan Respublıkasy Kásípodaqtar federatsıyasynyń konstıtutsıyalyq reformany jáne referendum ótkízudí qoldau jóníndegí Úndeuín qoldady.
Óz sózínde Almaty qalasy Kásípodaqtar ortalyǵynyń tóraǵasy, qalalyq máslıhat deputaty Zauresh Ómírbaeva:
«Qazaqstan Respublıkasy Konstıtutsıyasynyń jańa redaktsıyasy ashyq túrde jáne keń auqymdy sarapshylar qūramynyń qatysuymen ázírlenude. Būryn joba on shaqty mamannyń qatysuymen daıyndalsa, búgínde talqylauǵa shamamen 130 adam, onyń íshínde 20 zańger men qoǵamdyq keńesterdíń ókílderí tartyldy. Talqylau ashyq formatta ótíp jatyr, árbír azamat ūsynylyp otyrǵan ózgerístermen tanysa alady. Bíz “árkímníń eńbek etuge qūqyǵy bar” degen tūjyrymnan bastap “laıyqty eńbekke qūqyq” degen nūsqaǵa deıín túrlí formulırovkalardy qarastyrdyq. Qorytyndy mátínge sarapshylar qoldaǵan normalar engízíldí», – dep atap óttí.
"Búgín Almaty kásípodaqtary atynan jańa redaktsıyany qoldau turaly úndeu bíldíríp otyrmyz. Būl – halyqtyń ál-auqatyn arttyruǵa, bılík pen qoǵam arasyndaǵy baılanysty jaqyndatuǵa baǵyttalǵan reforma. Maǵan erekshe ūnaǵany – «Qūryltaı» ūǵymynyń engízíluí. Qazaq halqy úshín būl tarıhı tūrǵydan jaqyn, túsíníktí atau. Bír palataly parlament 145 deputattan tūrady dep kórsetílgen. Meníńshe, būl sheshím qabyldau úderísín jedeldetedí. Sondaı-aq vıtse-prezıdent lauazymynyń engízíluín mańyzdy qadam dep sanaımyn. Būl – prezıdentten keıíngí joǵary memlekettík qyzmet. Qajet bolǵan jaǵdaıda ol prezıdenttíń ókílettígín tolyq atqara alady. Sonymen bírge memleket basshysynyń júktemesín azaıtuǵa yqpal etedí. Būrynǵy Qazaqstan halqy assambleyasyna da jańa ókílettíkter berílíp otyr. Zań shyǵaru bastamasyna qatysu múmkíndígí keńeıedí. Būl elímízdegí túrlí ūlt ókílderíníń memlekettík sheshímder qabyldau úderísíne belsendí aralasuyna jol ashady.Jalpy, būl ózgeríster halyq múddesíne baǵyttalǵan dep esepteımín", - deıdí Danıyar Altybaev,«Almaty halyqaralyq áuejaıy» AQ qyzmetkerleríníń jergílíktí kásípodaq ūıymynyń tóraǵasy.
Barlyq qatysushy Konstıtutsıyaǵa engízíletín túzetuler parlamenttíń rólín kúsheıtuge jáne bılík tarmaqtary arasyndaǵy tepe-teńdíktí qalyptastyruǵa baǵyttalǵan degen ortaq píkírge keldí.
