Almaty qalasynyń Almaly audanyndaǵy komyunıtı-ortalyqta aldaǵy referendumdy qoldauǵa arnalǵan ís-shara óttí. Kezdesuge audannyń belsendí jastary, qoǵamdyq bírlestíkterdíń ókílderí jáne komyunıtı-ortalyq rezıdentterí qatysty.
Ís-shara meet up formatynda ūıymdastyrylyp, árbír qatysushy óz ūstanymyn ashyq bíldíruge múmkíndík aldy. Jıyn barysynda qatysushylar jańartylǵan Konstıtutsıyanyń negízgí erejelerín talqylap, el damuy úshín mańyzy zor ózgerísterge toqtaldy. Ásírese azamattardyń qūqyqtary men bostandyqtaryn keńeıtu, azamattyq qoǵam ınstıtuttarynyń rólín kúsheıtu jáne ádílettílík qaǵıdattaryn nyǵaıtu máselelerí keńínen qozǵaldy.
Almaly audandyq komyunıtı-ortalyǵynyń jetekshísí Shámshí Qūdaıbergen mūndaı kezdesulerdíń mańyzdylyǵyn atap óttí:
«Búgíngí tańda jastarmen ashyq dıalog alańdaryn qūru asa mańyzdy. Konstıtutsıya – memlekettíń berík írgetasy. Onyń mazmūnyn talqylau jastardyń qūqyqtyq mádenıetín qalyptastyryp, azamattyq ūstanymyn nyǵaıtady. Almaly audanynyń jastary qoǵamdyq-sayası úderísterge belsendí qatysuǵa daıyn ekenín kórsetíp otyr».
Óz kezegínde audan belsendísí Ernar Seríkūly kezdesudíń mańyzyna toqtaldy:
«Bíz úshín bastamalardy jaı ǵana qoldau emes, olardyń mánín tereń túsínu mańyzdy. Jańa Konstıtutsıyada azamattardyń qūqyqtaryn qorǵau men memlekettíń áleumettík jauapkershílígín arttyruǵa erekshe nazar audarylǵan. Osyndaı kezdesuler elímízdíń bolashaǵyna óz úlesímízdí qosuǵa múmkíndík beredí».
Kezdesu qorytyndysy boıynsha qatysushylar mūndaı ashyq formattaǵy ís-sharalar jastardyń qūqyqtyq sauattylyǵyn arttyryp, belsendí azamattyq ūstanymyn qalyptastyruǵa yqpal etetínín atap óttí
