GITEX, álemdegí eń írí tehnologıyalyq jáne startap-ís-sharalar jelísí 2026 jyly 4–5 mamyr aralyǵynda Almaty qalasynda ótetín GITEX Ai CENTRAL ASIA & CAUCASUS Kazakhstan ís-sharasynyń ótetínín jarıyalaıdy. Jańa alańnyń tańdaluy sauda, ónerkásíptík óndírís, korporatıvtík sektor men ınnovatsıyalar shoǵyrlanǵan óńírdíń negízgí ískerlík jáne ınnovatsıyalyq ortalyǵy retíndegí Almatynyń rólín aıqyndaıdy.
Ís-shara Qazaqstandaǵy Tsıfrlandyru jáne jasandy ıntellekt jyly ayasynda ótedí. GITEX Ai CENTRAL ASIA & CAUCASUS Kazakhstan elímízdíń álemdegí jetekshí tehnologıyalyq ekojúıeler qataryndaǵy ornyn nyǵaıtuǵa ūmtylysyn kórsetíp, tehnologıyalyq jobalarǵa eksporttyń ósuín, áríptestíkterdí damytudy jáne ınvestıtsıyalar tartudy qoldaıdy.
Ís-shara GITEX-tíń jahandyq ūıymdastyrushysy inD kompanıyasymen ūıymdastyrylyp, Qazaqstan Respublıkasynyń Jasandy ıntellekt jáne tsıfrlyq damu mınıstrlígíníń qoldauymen, Astana Hub jáne Almaty qalasynyń ákímdígímen seríktestíkte ótedí. GITEX Ai CENTRAL ASIA & CAUCASUS Kazakhstan memlekettík organdardyń ókílderín, tehnologıyalyq kompanıyalardy, JI, būltty jáne derekter ınfraqūrylymy salasyndaǵy kóshbasshylardy, fınteh-ınnovatorlardy jáne óńírdíń bolashaǵy zor startaptaryn bíríktíríp, Ortalyq Azıya men Kavkazdy básekege qabílettí tsıfrlyq habqa aınaldyru úderísín jedeldetuge baǵyttalady.
Qazaqstan Respublıkasy Premer-Mınıstríníń orynbasary - Jasandy ıntellekt jáne tsıfrlyq damu mınıstrí Jaslan Mádıev:
«GITEX-tíń Almatyda ótuí Qazaqstannyń óńírdegí tehnologıyalyq kóshbasshylar, startaptar men ınvestıtsıyalar úshín tartymdy ortalyqqa aınalyp kele jatqanyn rastaıdy. Būl bíz úshín jaı ǵana auqymdy ís-shara emes, tsıfrlyq transformatsıyany jáne JI-dí ekonomıka men memlekettík basqaruǵa engízudí jedeldetetín tájírıbelík qūraldardyń bírí. «Bízdíń míndetímíz – osy serpínníń naqty nátıjege aınaluyn qamtamasyz etu, sheshímderdí naryqqa jedel shyǵaru, ónímdílíktí arttyru jáne búkíl óńír boıynsha adamdar men bızneske jańa múmkíndíkter qalyptastyru», – dep atap óttí.
Almaty qalasynyń ákímí Darhan Satybaldy:
«GITEX-tí Almatyda ótkízu arqyly bíz qalanyń Ortalyq Azıyadaǵy ınnovatsıya, sauda jáne kásípkerlík salasyndaǵy negízgí ortalyqtardyń bírí retíndegí pozıtsıyasyn kúsheıtemíz. Aldyńǵy qatarly tehnologıya jergílíktí deńgeıde damyǵan saıyn, olardy jahandyq naryqtarǵa eksporttau jóníndegí ūlttyq maqsatymyz da aıqynyraq kórínís tabyp otyr» - dedí.
GITEX-tíń jahandyq ūıymdastyrushysy inD kompanıyasynyń CEO-sy Trıksı Lo Mırmand:
«Qazaqstan múmkíndíkterge jáne áleumettík-ekonomıkalyq áserge negízdelgen tsıfrlyq bolashaqty qalyptastyruda strategıyalyq tásíl tanytyp otyr. Almaty - osy kózqarasty íske asyru úshín qajet kásípkerlík energıya men ınnovatsıyalyq áleuet toǵysqan núkte. Almatydaǵy GITEX álemge Ortalyq Azıya men Kavkazdaǵy auqymdy ındustrıyalyq jáne tehnologıyalyq serpílístí baqylap qana qoımaı, osy úderístí qalyptastyruǵa belsendí qatysuǵa múmkíndík beredí».
Eldíń ınnovatsıyalyq ortalyǵyn kúsheıtu jolyndaǵy strategıyalyq qadam
Almatyǵa negízgí tehnologıyalyq oıynshylardy tartu Qazaqstannyń ūlttyq tsıfrlyq strategıyasyna sáıkes keledí jáne qalanyń ınnovatsıyalyq ortalyq retínde qarqyndy ósíp kele jatqanyn kórsetedí. Almatyda 1 500-den astam startap ornalasqan, eldegí venchurlyq kapıtaldyń 50%-y osy qalada shoǵyrlanǵan, sondaı-aq jaqyn arada álemdík deńgeıdegí halyqaralyq ǵylymı-tehnologıyalyq ınstıtut – Qazaqstan Advanced Institute of Science and Technology (QAIST) ashylady. Osyndaı jaǵdaıda GITEX Ortalyq Azıyadaǵy jańa buyn tsıfrlyq ekonomıkasyn qalyptastyryp jatqan kompanıyalarmen, startaptarmen, ınvestorlarmen jáne zertteu ortalyqtarymen tíkeleı baılanys ornatuǵa múmkíndík beredí.
Jahandyq tehnologıyalyq jáne ınvestıtsıyalyq ís-sharalar jelísíníń jańa tírek alańy
Ortalyq Azıya men Kavkaz jedel tsıfrlandyru, startap-ekojúıelerdíń jetíluí jáne bolashaqqa baǵdarlanǵan transformatsıya strategıyalaryn íske asyru ayasynda auqymdy tehnologıyalyq ózgeríster kezeńínen ótude. Osy tūrǵyda Qazaqstan óńírlík kóshbasshy retínde erekshelenedí: mūnda Ortalyq Azıyadaǵy eń írí auqymdy derekter ortalyǵy ornalasqan, memlekettík qyzmetterdíń 90%-dan astamy tsıfrlyq formatqa kóshírílgen, sondaı-aq alem.ai halyqaralyq jasandy ıntellekt ortalyǵyn qosqanda bírqatar flagmandyq bastama júzege asyrylyp jatyr.
GITEX-tíń Qazaqstanda paıda boluy osy tsıfrlyq joldaǵy mańyzdy kezeńge aınalady. Ís-sharanyń Almatyda ótuí qalany Ortalyq Azıya men Kavkazdy Abu-Dabı, Dubaı, Brazılıya, Germanıya, Úndístan, Kenıya, Marokko, Nıgerıya, Serbıya, Sıngapur, Túrkıya jáne Vetnam sıyaqty negízgí halyqaralyq naryqtarmen baılanystyratyn GITEX-tíń jahandyq jelísíníń óńírlík tírek núktesíne aınaldyrady.
