Almaty Ortalyq Azıyadaǵy ískerlík, turıstík jáne mádenı ortalyq retíndegí ornyn nyǵaıtyp qana qoımaı, halyqaralyq jańa gastronomıyalyq baǵyt retínde de qarqyndy damyp keledí. Óńír tarıhynda alǵash ret qala álemdegí eń bedeldí meıramhana gıdteríníń bírí Gault&Millau-men yntymaqtastyqty bastaıdy, – dep habarlaıdy aqshamnews.kz tílshísí.
Būl Almaty úshín ǵana emes, búkíl Ortalyq Azıya úshín strategıyalyq mańyzǵa ıe. Mūndaı deńgeıdegí gastronomıyalyq gıd alǵash ret óńír naryǵyna shyǵyp, halyqaralyq qauymdastyqqa jergílíktí meıramhana ındustrıyasyn, aspazdardy jáne bíregeı gastronomıyalyq mádenıettí tanystyrady.
Gault&Millau — 50 jyldan astam tarıhy bar ańyzǵa aınalǵan frantsuz gastronomıyalyq gıdí. Ol Michelin Guide-pen qatar joǵary ashana salasyndaǵy basty álemdík baǵdarlardyń bírí. Gıdtíń Almatyda boluy qalanyń jahandyq gastronomıyalyq ekojúıege enuín bíldíredí. Mūnda jańa trendter qalyptasyp, úzdík meıramhanalar aıqyndalyp, jańa turıstík baǵyttar jasaqtalady.
«Almaty úshín būl halyqaralyq deńgeıdegí mańyzdy oqıǵa. Búgínde gastronomıya qalalardyń turıstík tartymdylyǵyn arttyratyn negízgí faktorlardyń bíríne aınalyp otyr. Gault&Millau-men seríktestík Almatyǵa gastroturısterdíń jahandyq audıtorıyasyna jol ashyp, qalanyń álemdík turıstík kartadaǵy ornyn kúsheıtedí», — dedí Almaty qalasy Turızm basqarmasynyń ókílderí.
Búgínde Almaty tau turızmí, tabıǵat jáne mádenı mūra ǵana emes. Būl qarqyndy damyp kele jatqan meıramhana ındustrıyasy, sapaly jergílíktí ónímder, daryndy aspazdar shoǵyrlanǵan jáne Ortalyq Azıyanyń jetekshí gastronomıyalyq habyna aınaludy maqsat etken zamanauı megapolıs.