2025 jyly Almaty Dúnıejúzílík turıstík alyansqa (World Tourism Alliance, WTA) – turızmníń tūraqty damuyn qoldauǵa baǵyttalǵan 41 elden 251 múshení bíríktíretín halyqaralyq úkímettík emes ūıymǵa tolyqqandy múshe boldy.
Būl múshelík qalanyń taldamalyq derekke, bílím beru resursyna jáne halyqaralyq áríptestíkke qol jetkízuíne múmkíndík beredí, - dep habarlaıdy aqshamnews.kz.
WTA memlekettík qūrylymdar men bıznes ókílderín jáne sarapshylar qauymdastyǵyn bíríktíredí. Ūıym halyqaralyq turızmdí damytuǵa yqpal etedí, zertteuler júrgízedí, keńes beredí jáne maman dayarlau ísímen aınalysady, sondaı-aq memlekettík jáne jeke sektor arasyndaǵy kooperatsıyany nyǵaıtady.
Qazír Hanchjouda (QHR) WTA Syanhu 2025 jyl saıynǵy ís-sharasy ótíp jatyr. Onyń ayasynda Almatyǵa Alyans qūramyna qabyldanǵanyn rastaıtyn sertıfıkat resmı túrde tabystaldy.
2025 jylǵy Dıalogtyń taqyryby - «Shekaradan tys: turızmníń sheksíz kókjıegíne ūmtylys». Talqylaulardyń negízgí baǵyttary: tūraqty damu, salalar arasyndaǵy yqpaldastyq, ınnovatsıya men turızm salasyndaǵy tehnologıyalyq sheshímder.
WTA qūramyna qabyldanu Almatynyń halyqaralyq seríktestígín kúsheıtíp, jahandyq saraptamalyq ortaǵa jol ashady jáne qalanyń turıstík áleuetín ílgeríletuge jańa múmkíndíkter tuǵyzady.