Búgín "Qaırat" pen "Real Madrıd" futbol klubtary arasynda mańyzdy match ótedí. Qazaqstandyq jūldyzdar "Qaırat" futbol klubyna qoldau bíldírdí. Tanymal tūlǵalar jankúıerlerdí jígerlendíríp jatyr, - dep habarlaıdy aqshamnews.kz tílshísí.
"Būl - el úshín mańyzdy oıyn" - Oktyabr Altaev
Tanymal óner ıesí Óktem Altaev "Qaırattyń" ár matchí el namysymen tíkeleı baılanysty ekenín atap óttí.
"Būl - bízdíń el úshín, Almaty úshín óte mańyzdy match. Óıtkení būl oıyndy kóru úshín álemníń túkpír- túkpírínen jankúıerler aǵylyp keledí. Bíz - qonaqjaı halyqpyz, shetelden kelgen qonaqtarǵa tektílígímízdí, mádenıetímízdí kórseteıík. Bárímíz shyn júrekten súıíktí komandamyz "Qaıratqa" qoldau bíldíreıík", - dedí ol.
Arman Boranbaı: "Jastarǵa úlgí bolar sát"
Akter árí rejısser Arman Boranbaı almatylyqtardy qala tazalyǵyn saqtauǵa shaqyrdy.
"Ortalyq stadıonda "Qaırat" pen "Real Madrıd" kezdesedí, būl match qalamyzdyń tarıhyna máńgílíkke jazylatyny anyq. Qūrmettí almatylyqtar men shahar qonaqtary, álemge futbolǵa degen qūshtarlyǵymyzdy ǵana emes, óz mádenıetímízdí de kórseteıík!
Qonaqjaı bolaıyq, ártúrlí elderden kelgen jankúıerlerge qūrmet tanytaıyq. Stadıonda bolsyn, dámhanalar men pabtarda bolsyn – qaı jerde júrsek te, Almaty tazalyǵy men tártíbímen jarqyrauǵa tıís. Qalamyzdy tek qazaqy qonaqjaılylyǵymyzben emes, óz úıímízdí qadírlep, ayalaudy bíletínímízben de dańqqa bóleıík!" - dedí ol.
"Qaırattyń qaıtpasyn, "Qaırat!" - Nūrdáulet Aqysh
Jazushy Nūrdáulet Aqysh óz alańynda oınaudyń jauapkershílígín erekshe atap óttí.
"Erteń - qazaq futboly úshín ǵana emes, qazaq sportynyń tarıhyndaǵy aıtuly beleske aınalatyn kún. Balasy atqa shapsa, anasy taqymyn qysady deushí edí. Erteń mıllıondaǵan taqymnyń qysylatyn kúní. Jerlesterímíze jeńís tíleımíz. Qaırattyń qaıtpasyn, "Qaırat!" - dedí ol.
Bolat Jūmaǵalıev: "Futbol – halyqty bíríktíretín kúsh"
Dínmūhamed Qonaev halyqaralyq qorynyń múshesí Bolat Jūmaǵalıev futboldyń áleumettík rólín aıryqsha aıtty.
"Búgín - óte mańyzdy kún. Bíz kelgen qonaqtarǵa qandaı mádenı el ekenímízdí kórsetuímíz kerek. Aua raıyna baılanysty kıíníp shyǵuyńyzdy ūmytpańyzdar. Erteń bárí jaqsy bolatynyna úmíttenemín", - deıdí ol.
Ákejan Keńesov: "Almaty álem nazarynda!"
"Jetísu audandyq komyunıtı ortalyq" jetekshísí, Almaty qalasynyń Qoǵamdyq keńesí múshesí Ákejan Keńesov komandaǵa sením bíldírdí.
"Almaty - álem qalasy! Búgín - sózsíz tarıhı oqıǵa. Almaty álem nazarynda! Myńdaǵan turıst kelíp jatyr. Qūrmettí qazaqstandyqtar, mádenıettílígímízdí barynsha kórseteıík, stadıonda tazalyq saqtaıyq! Jígítterge sáttílík, Alǵa Qaırat!" - dep qorytyndylady Ákejan Keńesov.
Aıta keteıík, búgín Almatydaǵy Ortalyq stadıonda "Qaırat" futbol kluby men "Real Madrıd" arasyndaǵy kópten kútken kezdesu 21:45-te bastalady.
