Almaty ákímí Ispanıya Elshísímen ınvestıtsıyalyq jáne turıstík yntymaqtastyqty keńeıtu múmkíndíkterín talqylady, – dep habarlaıdy aqshamnews.kz tílshísí.
Almaty ákímí Darhan Satybaldy Ispanıya Koroldígíníń Qazaqstan Respublıkasyndaǵy Tótenshe jáne Ókílettí Elshísí Luıs Fransısko Martınes Montespen kezdestí.
Kezdesu barysynda taraptar Qazaqstan men Ispanıya arasyndaǵy yntymaqtastyqtyń qazírgí ahualy men damu múmkíndíkterín, sauda-ekonomıkalyq baılanysty keńeıtu, ınvestıtsıya tartu, sondaı-aq turızm, qonaq úı bıznesí, sport jáne qalalyq damu salalasyndaǵy ózara ís-qımyl jaıyn talqylady.
Darhan Satybaldy Ispanıyanyń Qazaqstannyń Europadaǵy mańyzdy strategıyalyq seríktesteríníń bírí ekenín atap óttí. 2025 jyldyń qorytyndysy boıynsha ekí el arasyndaǵy tauar aınalymy 1,93 mlrd AQSh dollary boldy. Búgínde Almatyda qūrylys, bílím beru, ǵylym jáne qyzmet kórsetu salalarynda jūmys ísteıtín ıspan kapıtaly bar 28 kásíporyn tírkelgen.
Kezdesude turıstík salany damytu máselesíne erekshe nazar audaryldy. Qala ákímí Almaty tau klasterí jobalaryn íske asyru, «Shymbūlaq» tau kurortynyń ınfraqūrylymyn keńeıtu jáne 2029 jylǵy Qysqy Azıya oıyndaryn ótkízuge daıyndyq jūmystary turaly aıtty. Osyǵan baılanysty taraptar tau kurorttary men turıstík baǵyttardy damytudaǵy ıspan tájírıbesín paıdalanu múmkíndígín talqylady.
Kún tártíbíndegí mańyzdy jaılardyń bírí ıspanıyalyq Barceló Hotel Group kompanıyasymen yntymaqtastyq boldy. Kompanıya ókílderí Qazaqstanda qonaqúı jobalaryn júzege asyruǵa qyzyǵushylyq tanytsa, qala basshysy Almatyda sapaly qonaq úı nysandaryna sūranys joǵary ekenín jáne turıstík mausym kezínde qonaq úılerdíń júktemesí aıtarlyqtaı artatynyn jetkízdí.
Kezdesu barysynda ıspan bıznesíníń Almatydaǵy írí ınvestıtsıyalyq jobalarǵa qatysu múmkíndíkterí de sóz boldy. Sonymen qatar mádenı-gumanıtarlyq baılanysty damytu, sport salasyndaǵy áríptestíktí nyǵaıtu jáne Atlético de Madrid Academy Kazakhstan futbol akademıyasynyń jūmysy talqylandy.
Kezdesu qorytyndysynda taraptar Almaty men Ispanıya arasyndaǵy ınvestıtsıyalyq, ekonomıkalyq jáne mádenı baılanysty odan árí damytuǵa, sondaı-aq jańa bírlesken jobalardy júzege asyruǵa daıyn ekenderín bíldírdí.