Qytaı Halyq Respublıkasyna jūmys sapary barysynda Almaty ákímí Darhan Satybaldy Qytaıdyń írí qūrylys korporatsıyalarynyń bírí – álemníń kóptegen elderínde auqymdy ınfraqūrylymdyq jáne developerlík jobalardy júzege asyryp kele jatqan «Shanghai Construction Group» (SCG) basshylarymen kezdestí. Qytaı tarapynan delegatsıyany kompanıyanyń prezıdent míndetín atqarushy Syue Yunshen jetekshílík ettí.
Kelíssóz barysynda taraptar qalalyq ortany keshendí damytu, zamanauı sáulettík jáne mádenı nysandar salu, sondaı-aq Almatyda ınnovatsıyalyq jáne turıstík klasterler qalyptastyru baǵytyndaǵy yqpaldastyq múmkíndígín talqylady.
Darhan Satybaldy Almatyda ınfraqūrylymdy jańǵyrtu jáne qolaıly, ekologıyalyq árí zamanauı qalalyq keńístík qūru boıynsha júıelí jūmys júrgízílíp jatqanyn atap óttí. Ákím Shanghai Construction Group kompanıyasynyń álemdík deńgeıdegí jobalardy tabysty júzege asyru tájírıbesíne joǵary baǵa beríp, bírlesken jūmystyń aıtarlyqtaı áleuetí bar ekeníne sením bíldírdí.
Kezdesu barysynda kompanıyanyń qala úshín basym baǵyttardaǵy jobalarǵa qatysu múmkíndígíne erekshe nazar audaryldy. Atap aıtqanda, qoǵamdyq keńístíkterdí, mádenı-oıyn-sauyq jáne tehnologıyalyq ortalyqtardy damytu, jańa qalalyq aumaqtardy ıgeru jáne kólík ınfraqūrylymyn jetíldíru baǵyttary qaraldy.
Óz kezegínde Shanghai Construction Group basshylyǵy yntymaqtastyqty keńeıtuge qyzyǵushylyq tanytyp, seríktestíktíń naqty baǵyttaryn qarastyruǵa daıyn ekenín bíldírdí. Kelíssóz nátıjesí boıynsha taraptar Almaty qalasynyń qalalyq jáne turıstík ınfraqūrylymyn damytu salasyndaǵy bírqatar mańyzdy jobalardy júzege asyruǵa negíz bolatyn yntymaqtastyq turaly memorandum jobasyn daıyndau jónínde uaǵdalasty.
Anyqtama úshín: Shanghai Construction Group (SCG) – 1994 jyly qūrylǵan jáne Shanhaı qalasynyń munıtsıpaldyq basqaru júıesíne kíretín Qytaıdyń jetekshí memlekettík qūrylys korporatsıyasy. Kompanıya 30-dan astam elde ınfraqūrylym, tūrǵyn úı jáne kommertsıyalyq nysandar, kópírler, metropolıten jelílerí jáne mádenı keshender salu jobalaryn júzege asyrady. SCG-díń álemge tanylǵan jobalarynyń qatarynda Shanhaı mūnarasy, «Shyǵys ínju» telemūnarasy, Lupu kópírí jáne Xujiahui Center keshení bar.
