Almaty qalasynyń ákímí Darhan Satybaldy №4 qalalyq klınıkalyq auruhananyń qabyldau bólímíndegí qaıta jańǵyrtu jūmystarynyń barysymen tanysty. Būl - táulík boıy úzdíksíz qyzmet kórsetetín, Almatydaǵy mańyzdy kópsalaly medıtsınalyq mekemelerdíń bírí.
Qabyldau bólímíne táulígíne orta eseppen 250-300 nauqas túsedí. Jylyna klınıkada 12 500-ge deıín ota jasalady. Mūnda 260 dárígerdí qamtyǵan jalpy sany 1118 qyzmetker jūmys ísteıdí.
Jańǵyrtu jobasy jalpy audany 7 myń sharshy metrge juyq 5 bólím men 4 blokty qamtıdy. Negízgí maqsat - qabyldau bólímín keńeıtu, halyqaralyq triage-sūryptau júıesín engízu, jańa operatsıyalyq zaldardy ashu, 12 tósektík shūǵyl OARIT bólímín qūru, sondaı-aq óńírlík travmatologıya jáne ortopedıya ortalyǵyn qalyptastyru. Qaıta jańǵyrtudy ayaqtau merzímí - 2026 jylǵy aqpan dep belgílengen.
Qūrylys barysynda medıtsınalyq mekemeníń úzdíksíz jūmys ísteuín qamtamasyz etu basty nazarǵa alynǵan. Būl úshín oqshaulanǵan jeldetu júıesí, naqty demontajdy baqylau, angıografqa arnalǵan «jasyl dálíz» jáne dıagnostıkalyq qyzmetterge jeke qoljetímdílík qarastyrylǵan.
Almaty qalasynyń ákímí Darhan Satybaldy merdíger ūıymdarǵa barlyq kezeńderde joǵary sapany qamtamasyz ete otyryp, belgílengen merzímderge qatań mán berudí tapsyrdy.
Jūmys sapary ayasynda qala ákímíne onkologıyalyq ortalyqtyń qazírgí jaǵdaıy turaly bayandalyp, 250 tósek-oryndyq kópsalaly auruhana men bír auysymda 350 kelushíní qabyldaı alatyn keńes-dıagnostıkalyq ortalyqtyń qūrylys jobasy ūsynyldy.
Jyl saıyn onkologıya ortalyǵyna keletín nauqastar sany ósude. Sońǵy alty jylda em alǵandar sany ekí esege artyp, 12 myńnan 24 myń adamǵa jettí. Osyǵan baılanysty jańa zamanauı onkoortalyq salu qajettílígí tuyndap otyr.
Qala ákímí Darhan Satybaldy beıíndí ınfraqūrylymdy damytu men halyqqa joǵary tehnologıyalyq medıtsınalyq kómektíń qoljetímdílígín arttyrudyń mańyzdylyǵyn atap óttí.