Bírqatar būqaralyq aqparat qūraly men áleumettík jelílerde Almatydaǵy tarıhı ǵımarattyń būzylyp jatqany jónínde aqparat tarap jatyr. Alaıda būl málímetter shynaıy jaǵdaıdy tolyq kórsetpeıdí.
Qalalyq Memlekettík aktıvter basqarmasynyń habarlauynsha, Gogol kóshesí, 45 mekenjaıynda ornalasqan 1908 jyly salynǵan ekí qabatty ǵımarat tarıh jáne mádenıet eskertkíshterí tízímíne engízílmegen jáne tarıhı-mádenı mūra nysany mártebesíne ıe bolmaǵan.
Ár jyldary būl ǵımaratta túrlí qalalyq qyzmetter ornalasqan. Al 2022 jyldan bastap tehnıkalyq jaǵdaıynyń qanaǵattanarlyqsyz boluyna baılanysty ǵımarat ís júzínde paıdalanylmaǵan.
2025 jyly júrgízílgen tehnıkalyq tekseru qorytyndysy boıynsha atalǵan nysan apatty dep tanylyp, qalpyna keltíruge jaramsyz ekení anyqtalǵan. Osyǵan oraı ǵımaratty būzu turaly sheshím qabyldandy. Qazírgí uaqytta qūrylys nysanyn súru jūmystary ayaqtaluǵa jaqyn. Al jer telímí memlekettík jer qoryna beríldí.