"Qazgıdromet" RMK sınoptıkterí 2026 jylǵy 24–26 qazanǵa arnalǵan aua raıy boljamyn ūsyndy, – dep habarlaıdy aqshamnews.kz tílshísí.
Mamandardyń málímetínshe, atmosferalyq fronttardyń ótuíne baılanysty Qazaqstannyń soltústígí men ońtústík-shyǵysynda jauyn-shashyn, negízínen qar jauady.
24 qazanda eldíń shyǵysynda, al 24 jáne 26 qazanda Qaraǵandy oblysynda da qar kútíledí.
Mańǵystau oblysynda azdaǵan jańbyr jauyp, kúndíz naızaǵaı oınaıdy, shańdy dauyl tūrady. 24 qazanda eldíń shyǵysy men ońtústík-shyǵysynda qalyń qar jauyp, boran soǵady.
Al batysta, soltústík-batysta jáne Ūlytau oblysynda jauyn-shashyn bolmaıdy.
"El aumaǵynda tūman túsíp, soltústík, shyǵys jáne ortalyq óńírlerde kóktaıǵaq bolady", – dep habarlady "Qazgıdromet" baspasóz qyzmetí.
Sondaı-aq túnde eldíń ońtústígí men ońtústík-shyǵysynda −1…−8°S-qa deıín úsík júredí.
Aldaǵy úsh kúnde aua temperaturasy mynadaı bolady:
- Batysta: kúndíz +11…+18°S.
- Soltústíkte: túngí temperatura −4…−10°S-tan 0…+5°S-qa deıín joǵarylaıdy. Kúndíz +2…+7°S-tan +6…+11°S-qa deıín ózgeredí.
- Ortalyqta: túnde −2…−10°S. Kúndíz aua temperaturasy bírtíndep 0…+5°S-tan +5…+12°S-qa deıín kóteríledí.
- Shyǵysta: túnde −5…−10°S, tauly audandarda −13…−18°S. Kúndíz −5…+5°S.
- Ońtústíkte: kúndíz +8…+15°S.
- Ońtústík-shyǵysta: kúndíz aua temperaturasy bírtíndep +2…+7°S-tan +6…+12°S-qa deıín joǵarylaıdy. Tauly audandarda −1…−6°S bolady.