Ál-Farabı atyndaǵy QazŪU Baspasóz qyzmetí Ó.A. Joldasbekov atyndaǵy Studentter saraıyn qaıta jańǵyrtuǵa qatysty kelesíní habarlaıdy:
Ó.A. Joldasbekov atyndaǵy Studentter saraıy paıdalanuǵa berílgennen berí 30 jyl boıy kúrdelí jóndeuden ótpegen. Sonyń saldarynan ǵımarat tozyp, tehnıkalyq jaǵdaıy aıtarlyqtaı nasharlaǵan.
2023 jyly akkredıttelgen ūıym ǵımarattyń tehnıkalyq jaǵdaıyn tekseríp, tíreuísh jáne qorshau konstruktsıyalarynan bíraqtar aqaular anyqtady: jekelegen temírbeton arqalyqtar men qabyrǵalardyń bolmauy, tíreuísh kolonnalardyń tot basuy jáne qısayuy, túıísu bólíkteríníń būzyluy, jylu oqshaulau qabaty men shatyr jabyndysynyń zaqymdanuy. Aqaulardyń basym bólígí árleu qabattarynyń astynda jasyrylǵan.
Qoldanystaǵy qūrylys normalaryna sáıkes, ǵımarattarǵa kúrdelí jóndeu ár 20 – 25 jyl saıyn júrgízíluí tıís. Sonymen qatar, 2024 jylǵy qańtar aıynda Almatyda bolǵan jer sílkínísterí ǵımaratqa eleulí zaqym keltírdí.
Anyqtalǵan aqaular men seısmıkalyq qauípterdí eskeríp, unıversıtet ǵımarattyń sáulettík kelbetín saqtaı otyryp, onyń konstruktsıyalyq beríktígí men qauípsízdígín qamtamasyz etu maqsatynda nysandy qaıta jańǵyrtu turaly sheshím qabyldady.
