«AKQZ» JShS óndírístík alańynda eńbek ūjymymen kezdesu óttí, - dep habarlaıdy aqshamnews.kz.
Shara barysynda kásíporynnyń íshkí jūmysy tanystyrylyp, jūmysshylarmen tíkeleı píkír almasu ūıymdastyryldy. Kezdesuge Qazaqstan Respublıkasy Parlamentí Májílísíníń deputaty, Konstıtutsıyalyq komıssıyanyń múshesí Sergeı Ponomarev qatysty.
Ol aldaǵy referendum ayasynda ūsynylyp otyrǵan jańa Konstıtutsıya jobasynyń negízgí baǵyttary men mańyzdylyǵyna toqtalyp jūmysshylarmen tíldestí.
Sergeı Ponomarev óz sózínde Konstıtutsıya – eldíń bolashaǵyn aıqyndaıtyn basty qūjat ekenín atap óttí:
-«Qūrmettí otandastar!Búgín bíz ortaq úıímíz – Qazaqstannyń taǵdyryn aıqyndap otyrmyz. Kún saıyn halyqtyń naqty sūranysyn estíp, qoǵamnyń tynysyn jaqsy bíletín deputat árí jurnalıst retínde nyq senímmen aıtamyn: jańa Konstıtutsıya – qoǵam kútken úmítke berílgen adal jauap. Būl – úmíttí naqty kepíldíkke aınaldyratyn qūjat. Men būl jobany qoldaımyn, osy oraıda úsh negízgí máselege toqtalǵym keledí. Bírínshíden, būl – bírtūtas halyqtyń Konstıtutsıyasy. Konstıtutsıyanyń preambulasy men baptarynda Qazaqstan halqynyń bírlígí, tarıhı qazaq jeríndegí memlekettílíktí nyǵaıtu aıqyn kórsetílgen. Mūnda «ózímíz» jáne «ózge» degen ūǵym joq. Árbír azamattyń ar-namysy men qūqyǵy tílí men etnostyq tegíne qaramastan zańmen teń qorǵalady. Ekínshíden, būl – tíkeleı dıalog Konstıtutsıyasy. Bíz jıí «bılík halyqty estuí tıís» degendí aıtamyz. Jańa Konstıtutsıya osy baǵytta úlken qadam jasap, bíregeı ınstıtut – Qazaqstan Halyq Keńesín qūrudy kózdeıdí. Úshínshíden, būl – ekologıyalyq jauapkershílík Konstıtutsıyasy. Elín súıemín degen adam tuǵan jeríníń lastanuyna beıjaı qaraı almaıdy. «Taza Qazaqstan» jalpyūlttyq bastamasy ekologıya ár azamatty tolǵandyratyn másele ekenín kórsettí. Būl Konstıtutsıya – progressıvtí árí ádíl. Ol ashyq píkírtalastar men tíkeleı efırler arqyly, eshqandaı súzgí men tsenzurasyz talqylaudan óttí. Būl qūjat bízdí Halyq Keńesí arqyly bíríktíredí, teń qūqyq arqyly qorǵaıdy jáne bolashaǵymyzdy saqtaıdy. Būl – bíz úshín jáne balalarymyz úshín jasalǵan Konstıtutsıya. Barshańyzdy azamattyq danalyq tanytuǵa shaqyramyn.Bírge kúshtí, taza árí ádílettí Qazaqstan qūraıyq!»
Mustafaev Aladın, sayasattanushy:
-«Búgín bíz eldegí eń írí óndírístík ortalyqtardyń bírí – AKQZ kásípornynda bolyp, aldaǵy referendum ayasynda túsíndíru jūmystaryn júrgízdík. Kezdesu barysynda azamattarǵa Konstıtutsıyaǵa engízílíp jatqan ózgerísterdíń mání men mańyzyn jetkízuge basymdyq beríldí.Atap aıtu kerek, ūsynylyp otyrǵan ózgeríster jaı ǵana jekelegen túzetuler emes. Konstıtutsıyanyń 74 paıyzdan astamy jańaryp, eldíń negízgí zańy túbegeılí jańasha sıpatqa ıe bolmaq. Būl – qoǵamnyń barlyq salasyn qamtıtyn auqymdy ózgerís. Osy tūrǵyda árbír Qazaqstan azamatynyń dauys beruge qatysuy asa mańyzdy. Meníń oıymsha, eshkím óz memleketíne, óz elíníń bolashaǵyna, balalarynyń erteńíne beıjaı qaramauy tıís. Ár azamat saılau uchaskesíne kelíp, óz tańdauyn jasap, bolashaq ūrpaqtyń taǵdyry úshín dauys beruí qajet» - dedí.
