Almatyda 2025 jylǵy 28 qarashada Almaty qalasy ákímdígíníń qoldauymen jáne "Alatau" dástúrlí óner teatrynyń ūıymdastyruymen Qazaqstan Respublıkasy Ūlttyq ǵylym akademıyasynyń akademıgí, fılologıya ǵylymdarynyń doktory, professor Shora Shamǵalıūly Sarybaevtyń tuǵanyna 100 jyl toluyna arnalǵan merekelík kontsert óttí.
Merekelík sharaǵa Ahmet Baıtūrsynūly atyndaǵy Tíl bílímí ınstıtutynyń bas ǵylymı qyzmetkerí, professor Jamal Aıtqalıqyzy Mankeeva, fılologıya ǵylymdarynyń kandıdaty, ǵalymnyń qyzy Maıra Shoraqyzy, "Mínber" saıty halyqaralyq "Adam" ınstıtutynyń prezıdentí, sayasattanushy Janūzaq Ákím, sondaı-aq QR eńbek síńírgen qaıratkerí, ánshí, telejúrgízushí Qaragóz Súleımenova qatysty.
Shara barysynda akademıktíń ǵylymı mūrasy, ūlttyq ǵylym men mádenıettegí rólí, qazaq muzyka mádenıetíne qosqan úlesí jáne shyǵarmashylyq toptardy qoldaudaǵy eńbegí atap ótíldí. Sondaı-aq, professor Jamal Mankeeva akademıktíń túrkologıya men qazaq dıalektologıyasyn damytudaǵy tarıhı rólíne toqtalyp: "Shora Shamǵalıūly qazaq dıalektologıyasynyń ǵylymı mektebín qalyptastyrǵan asa írí ǵalym. Ol ūmytylǵan kóne sózder men aımaqtyq tíl erekshelíkterín júıelep, būl salany derbes ǵylymı baǵyt retínde damytty", – dedí.
Aıta keteıík, 1964 jyly "Qaırat" komandasy qūrylyp, atyn qoyuda Shora Shamǵalıūly Sarybaevtyń rólí erekshe boldy. Ǵalym shyǵarmashylyq toptyń damuyna, ūlttyq ónerdíń ílgeríleuíne qosqan úlesímen tarıhta qaldy.
Mereıtoı ayasynda akademıktíń ómírí men eńbegín kórsetetín fotosuretter, portretter, arhıv materıaldary qoıylǵan kórme ūıymdastyryldy. Kesh sońynda akademıktíń aǵartushylyq ruhyna arnalǵan kontsert óttí. Kontsertke elímízdíń tanymal óner sheberlerí jáne "Alatau" dástúrlí óner teatrynyń ansamblí qatysty, qazaqtyń dástúrlí án-kúılerí men ūlttyq oryndaushylyq ónerdíń kórínísterí kórermen nazaryna ūsynyldy.