13 qańtarda Qazaqstan Respýblıkasynyń premer-mınıstriniń orynbasary – Mádenıet jáne aqparat mınıstri Aıda Balaeva Muhtar Áýezov atyndaǵy Qazaq ulttyq drama teatrynyń 100 jyldyq mereıtoıymen quttyqtady, dep habarlaıdy aqshamnews.kz
Qazaqstan Respýblıkasy Mádenıet jáne aqparat mınıstrliginiń baspasóz qyzmetiniń málimetinshe, elimizdegi alǵashqy kásibı qazaq teatry 1926 jyly "Eńlik – Kebek" spektaklinen bastaý alǵan. Sodan beri teatr qazaq rýhanıatynyń altyn besigine aınaldy. Osy sahnada ulttyq dramatýrgıanyń klasıkasyna aınalǵan týyndylar dúnıege kelip, teatr dástúrleri qalyptasty ári nyǵaıdy. Olardyń qatarynda:
"Abaı",
"Qobylandy",
"Qaragóz",
"Aıman – Sholpan" bar.
Teatr uzaq ári mazmundy joldan ótti: Almatyǵa kóship, 1937 jyly akademıalyq mártebe aldy, memlekettik nagradalarmen marapattaldy, Muhtar Áýezovtiń esimi berildi, al 2020 jyly "Ulttyq" mártebesine ıe boldy.
"Eń basty baılyq – bul birneshe býyn kórnekti akterler men rejıserler qalyptastyrǵan ujym men mektep. Búgingi teatr ujymy da dástúrdi saqtaı otyryp, kórermenmen zamanaýı tilde til tabysa biledi. Sizderge shabyt, shyǵarmashylyq tabys jáne árdaıym lyq toly zal tileımin", – dedi Aıda Balaeva.