Soltústikte qatty jańbyr kútiledi.
Sársenbi kúni Qazaqstannyń basym bóliginde atmosferalyq frontaldy bólikterdiń áserinen qubylmaly aýa raıy saqtalyp, jańbyr boljanady, dep habarlaıdy Almaty-akshamy.kz «Qazgıdromet» RMK-ǵa silteme jasap.
Soltústik-batysta, soltústikte qatty jańbyr kútiledi. Keı jerlerde naızaǵaı, burshaq, daýyl, ekpindi jel, ońtústikte, ońtústik-batysta shańdy daýyl bolady.
Kúndiz Almaty, Jambyl, Túrkistan oblystarynda qatty ystyq, keı jerlerinde óte qatty ystyq bolady. Al Qyzylorda oblysynyń basym bóliginde aptap ystyq saktalady.
Kúndiz Mańǵystaý, Atyraý, Shyǵys Qazaqstan oblystarynda, Qaraǵandy, Qostanaı oblystarynyń ońtústiginde aptap ystyq áli de jalǵasady. Sondaı-aq Qyzylorda, Túrkistan, Mańǵystaý, Atyraý, Jambyl, Aqtóbe, Qostanaı oblystarynyń basym bóliginde, Qaraǵandy, Batys Qazaqstan, Almaty oblystarynyń keı jerlerinde tótenshe órt qaýpi saqtalady.