Qazaqstanda qūny páter baǵasymen bírdeı alqa satylymǵa shyǵaryldy.
Qazaqstanda aktıvterdí qaıtaru nauqany ayasynda tárkílengen eksklyuzıv zergerlík būıymdardy satu jalǵasyp jatyr, dep habarlaıdy aqshamnews.kz.
Solardyń arasynda qūny 55 mıllıon teńgege baǵalanǵan Van Cleef & Arpels alqasy bar.
Aq altynnan (750 synama) jasalǵan, salmaǵy 16,92 karat gauhartaspen kómkerílgen alqanyń bastapqy baǵasy 46 mıllıon teńgeden asady. Potentsıaldy satyp alushy 7 mıllıon teńge kólemínde kepíldík jarna engízuí tıís. Sauda auktsıon formatynda, baǵany kóteru tásílímen ótedí. Zergerlík būıymnyń baǵalanǵan qūny – 55 mıllıon teńgeden asady. Sauda 23 sáuírde bastalady jáne e-qazyna.kz elektrondyq platformasynda ótedí.
Barlyǵy aldaǵy auktsıonda 61 zergerlík būıym satylymǵa qoıylady. Būl áshekeıler zańsyz baıydy jáne aqshany shetelge shyǵardy dep kúdíkke ílíngen adamdardan tárkílengen. Esímderí atalmaǵanymen, áńgíme būrynǵy sheneuníkter men kásípkerler turaly boluy múmkín.
"Būl saudanyń maqsaty – qaıtarylǵan aktıvterdí tıímdí paıdalanu, qyzyǵushylyq tanytqan qatysushylarǵa eksklyuzıvtí zergerlík óner tuyndylaryn satyp alu múmkíndígín beru", – dep habarlady qaıtarylǵan aktıvterdí basqaru kompanıyasy.