Túrkıanyń 55 jastaǵy turǵyny Nedjla Ózmen sot arqyly óziniń ákesi AQSH prezıdenti Donald Tramp ekenin dáleldeýge tyrysyp júr, - dep habarlaıdy Massaget.kz tilshisi DHA agenttigine silteme jasap.
Ózmen qyrkúıekte Ankaranyń otbasylyq sotyna ákelik quqyqty (ákelikti) anyqtaý týraly talap-aryz bergen. Onyń aıtýynsha, resmı tizilimdegi jazbalarǵa sáıkes, onyń ata-anasy - Saty jáne Dýrsýn Ózmen. Alaıda túrkıalyq áıel óziniń bıologıalyq anasy Sofıa esimdi bir amerıkalyq áıel bolýy múmkin dep sanaıdy. Áıeldiń málimdeýinshe, Saty Ózmen óli bala týǵan, al sol aýrýhanada "Tramptan júkti" bolyp bosanǵan Sofıa jańa týǵan sábıin Ózmenderdiń otbasyna bergen.
Ankara turǵynynyń aıtýynsha, asyrap alǵan anasy Trampty jańalyqtardan kórip, ony nusqap: "seniń ákeń osy" degen.
"Bul qanshalyqty ras ekenin bilmeımin. Oǵan kesirim tıip ketpese eken deımin. Onyń menimen sóıleskenin qalaımyn jáne eger ol kelisse, týystyq baılanysty dáleldeý úshin DNQ-test tapsyrǵym keledi", - deıdi Ózmen.
Áıel AQSH prezıdenti jaqsy áke dep senetinin jáne odan bas tartpaıtynyn jetkizgen.