Búgín Májílístíń jalpy otyrysy ótedí. Onda deputattar asa mańyzdy bírqatar zań jobasyn qaraudy josparlap otyr, dep habarlaıdy Aqshamnews.kz.
Otyrysta medıtsına qyzmetkerleríne fızıkalyq zorlyq-zombylyq pen qatygezdík kórsetkení úshín jazany qatańdatu jóníndegí Prezıdent tapsyrmasyn oryndauǵa baǵyttalǵan deputattardyń túzetulerí talqylanbaq.
"QR Qylmystyq kodeksíne jáne QR Qylmystyq-protsestík kodeksíne tolyqtyrular engízu turaly" zań jobasy Májílís qarauyna 21 qarashada túsken bolatyn. Sol kezde jūmys tobynyń jetekshísí, deputat Ashat Aımaǵambetov būl mańyzdy zań jobasy dárígerler men medıtsına qyzmetkerlerín qorǵauǵa arnalǵanyn atap ótken edí.
"Medıtsına ókílderíne qatysty zorlyq-zombylyq úshín jazany aıtarlyqtaı qatańdatu jóníndegí naqty normalardy ūsyndyq. Sońǵy jyldary mūndaı jaǵdaılar kóbeıíp barady. Bír dáríger jūmys ornynda soqqyǵa jyǵylsa, taǵy bírí jedel járdem shaqyrǵan úıde qorlyq kórdí. Osyndaı kórínísterge jol beruge bolmaıdy", - dedí deputat.
Ashat Aımaǵambetovtyń aıtuynsha, būl bastamany dárígerlerge jasalǵan shabuyldardyń jıíleuí tuyndatqan. Sońǵy bes jylda resmı statıstıka boıynsha 280 jaǵdaı tírkelgen. Zań jobasynyń maqsaty tek medıtsına qyzmetkerlerín ǵana emes, patsıentterdíń ózín de qorǵauǵa baǵyttalǵan. Sebebí qorǵansyz dáríger sapaly kómek kórsete almaıdy, al onyń saldarynan eń aldymen qarapaıym halyq zardap shegedí.