Ónerkásíp jáne qūrylys vıtse-mınıstrí Quandyq Qajkenovtíń aıtuynsha, sol sebeptí de baılanys arnalary arqyly kórsetkíshterdí avtomatty túrde jınauǵa arnalǵan telemetrıya tehnologıyasy bar avtomattandyru júıeleríne (TP ABJ) jáne esepke alu aspaptaryna qoıylatyn talaptardy standarttau boıynsha jūmystar júrgízílude.
Ūlttyq joba ayasynda su arnalary kásíporyndarynyń protsesterín kezeń-kezeńímen avtomattandyru kózdelgen.
2026-2028 jyldary 3,6 mln-nan astam «aqyldy» su esepteu qūrylǵylaryn ornatu josparlanuda, būl su shyǵyndaryn aıtarlyqtaı ońtaılandyruǵa jáne jabdyqtyń qyzmet etu merzímín ūzartuǵa múmkíndík beredí.
Otandyq jáne halyqaralyq sarapshylarmen bírge Astana, Shymkent, Oral, Ekíbastūz jáne Shahtınsk syndy 5 qaladaǵy su arnalary qyzmetíníń jūmysyn baǵalau júrgízíldí. Onyń nátıjesínde protsesterdí ońtaılandyru boıynsha ūsynystar daıyndaldy, bírtūtas tsıfrlyq sheshímderdí jáne kezeń-kezeńímen engízudí qarastyratyn tehnıkalyq-ekonomıkalyq negízdemení daıyndau úshín tehnıkalyq tapsyrma ázírlendí.
Sumen jabdyqtau aspaptaryn ornatu boıynsha ótínímderdí qalyptastyru maqsatynda ákímdíkter men tabıǵı monopolıya subektílerímen jūmys júrgízílude, — dep atap óttí ol.
Sonymen qatar Memleket basshysysynyń 2025 jylǵy 8 qyrkúıektegí Joldauynyń ayasynda su sektoryna halyqaralyq tájírıbe men bílíktílíktí tartudy turaly míndet qoıylǵan bolatyn. Osy maqsatta byltyr írí halyqaralyq jelílík operatorlar – Veolia, Suez jáne Aqualia kompanıyalarymen yntymaqtastyq turaly memorandumdarǵa qol qoıyldy. Mūndaǵy format aktıvterdí beru emes, memleket baqylauyn saqtaı otyryp, basqarushylyq qūzíretter men halyqaralyq úzdík tájírıbelerdí engízuge baǵyttalǵan.
Qazírgí uaqytta elímízdíń su ınfraqūrylymyn basqarudaǵy tájírıbesí men qūzyrettílígín keńeıtu úshín bírneshe azıyalyq kompanıyalarmen kelíssózder jalǵasuda.