Kóktem tek tabıǵatqa ǵana emes, adamdardyń stılíne de jańa tynys ákeledí. Qys boıy qalyń kıím kıíp sharshaǵan kópshílík jeńíl, ádemí árí jaıly kıímderdí tańdap, garderobyn jańartuǵa asyǵady. Aqshamnews.kz tílshísí 2026 jyldyń kóktemgí sán trendterín zerttep kórdí.
«Únsíz senímdílík» - negízgí trend
Bıylǵy kóktemde sán álemí jaılylyq pen tabıǵılyqqa bet būrdy. Qatań erejeler men kózge shalyna beretín logotıpter emes, sapaly matalar men taza sıluet basty rólge shyqty.
Stılıst-ımıdjmeıker Ekaterına Krasnova atap ótkendeı:
«Qazír sánde aıqaılap tūratyn brendter emes, adamnyń ózín erkín sezínuíne múmkíndík beretín kıímder mańyzdy. Mínsíz píshím, tabıǵı túster jáne sapaly matalar – basty krıterıı».
Qazírgí garderob ískerlík kezdesuge de, kúndelíktí seruenge de yńǵaıly boluǵa tıís. Bír kıímmen jūmysqa baruǵa da, demalysqa shyǵuǵa da bolady.
Tabıǵı túster men tehnologıyalyq materıaldar
2026 jylǵy kóktemde tabıǵı reńkterge jaqyn túster tanymal. Qūm tústes, jūmsaq jasyl, qońyr, sharap tústes kıímder garderobtyń negízín qūraıdy. Olar tynyshtyq pen úılesímdílík sezímín beredí, túrlí stılmen úılesedí.
Sonymen qatar, tehnologıyalyq matalar sánge eníp keledí. Su ótkízbeıtín, jūqa kúrtesheler, myjylmaıtyn jeıdeler jáne 3D tehnologıyamen jasalǵan kıímder men ayaq kıímder - jańa mausymnyń hıtterí.
Suret: Valeriia Lukashova, iStock
Áıelder sání: názíktík pen qūrylym
Áıelder garderobynda bírneshe qabattan qūralǵan stıl men móldír elementter basty rólde. Jūqa torly kóılekter tyǵyz astardyń ústínen kıílíp, keń píshímdí erler stılíndegí pıdjaktar názík sıluetpen úılestíríledí.
Sánde «arhıtekturalyq denım» tanymal. Būl - formasyn jaqsy ūstaıtyn, erekshe píshímdí djınsylar. Olar obrazǵa zamanauı árí stıldí sıpat beredí.
Erler sání: erkín klassıka
Erler garderobynda qatań kostyumderdíń ornyna jeńíl pıdjaktar, belí joǵary ornalasqan shalbarlar basym. 1950 jáne 1970 jyldardyń retro-sıluetterí qaıta sánge oraldy.
«Bıyl "jūmsaq" tústí (boyauy qanyq emes, názík túster) jempír nemese moınyna jíbek oramal taqqan er adam da qoǵamda qalypty kórínedí», – deıdí Ekaterına Krasnova.
Būl erler sáníníń būrynǵydan batyl árí eksperımentaldy bolyp kele jatqanyn kórsetedí.
Garderobqa qosuǵa bolatyn 5 negízgí zat
Jūmsaq terílí (zamsha) pıdjak – karamel nemese kofe reńkínde. Obrazǵa jūmsaqtyq pen 70-jyldar estetıkasyn beredí.
«Podkova» djınster – erekshe píshím. Barlyq adamǵa bírdeı jarasa bermeıdí, bíraq sándí kórínedí.
Suret: Pinterest
Kúreń qyzyl nemese marsala tústí sómke – beıtarap kıímge aıqyn aktsent qosady.
Jūqa kashemır nemese móldír longslıv – bírneshe kıím qabatynyń stılín jasauǵa múmkíndík beredí.
Qalyń platformaly loferler – klassıka men zamanauı stıldí úılestíredí.
Sánnen ketken elementter
Sarapshylardyń aıtuynsha, 2026 jyly keıbír trendter ózektílígín joǵaltyp keledí:
Qala stılíndegí velosıpedkalardy būl mausymda tek sport zalǵa kıgen jón.
Suret: womantell.ru
Óte kíshkentaı mıkro-sómkeler – funktsıonaldylyǵyn joǵaltty.
Tízesí jyrtylǵan djıns shalbarlar da sánnen alystap barady. Bıylǵy trend taza sıluet pen sapaǵa basa nazar audarady.
Jabysqaq jūqa kardıgandar men shamadan tys dekor sánnen qalyp barady.
Qazírgí stıl qarapaıymdylyq, sapa jáne ūzaq qyzmet etetín kıímderge basymdyq beredí.
Bazalyq garderobty qalaı jınau kerek?
«Bír sapaly jempír nemese jaqsy píshílgen djıns shalbar bírneshe arzan kıímge qaraǵanda tıímdí», – deıdí Ekaterına Krasnova.
Garderobty jańartpas būryn óz kıímderíńdí saralap, jıí kıetín zattardy anyqtap alǵan dūrys. Jańalyq qosqyńyz kelse, túrlí-tústí sharf, sándí beldík nemese erekshe aksessuarlardy paıdalanuǵa bolady.
2026 jyldyń kóktemgí sání adamdardy óz stılín erkín tańdauǵa shaqyrady. Búgíngí sán – tek trend emes, adamnyń ózín-ózí bíldíruíníń bír joly.