Qazaqstanda ótken respublıkalyq referendum kezínde halyqaralyq baqylaushylar tarapynan eshqandaı zańbūzushylyq tírkelmegen, – dep habarlaıdy aqshamnews.kz tílshísí.
Būl turaly baspasóz konferentsıyasynda Reseı Federatsıyasy Ortalyq saılau komıssıyasynyń hatshysy Natalya Budarına málímdedí.
Onyń aıtuynsha, dauys beru protsesí men referendumdy ūıymdastyru Qazaqstan Respublıkasynyń qoldanystaǵy zańnamasyna tolyq sáıkes ótken.
«Zańbūzushylyqtarǵa qatysty qandaı da bír eskertu aıtuǵa negíz joq. Óıtkení barlyq rásímder Qazaqstan Respublıkasynyń zańnamasyna sáıkes júrgízíldí. Mūny óz kózíńmen kórgende anyq baıqaısyń. Shyn mánínde, mūnyń artynda Ortalyq komıssıyanyń basshylyǵymen jūmys ístegen referendum komıssıyalarynyń, sondaı-aq barlyq jauapty organdardyń úlken eńbegí jatyr. Olar azamattardyń dauys beruíne barlyq múmkíndíkterdíń joǵary deńgeıde qamtamasyz etíluíne jaǵdaı jasady», – dedí Budarına.
Ol dauys beru nátıjelerí qazaqstandyqtardyń azamattyq jauapkershílígíníń joǵary ekenín kórsetetínín atap óttí.
«Mūny bíz dauys beru nátıjelerínen kóríp otyrmyz. Būl azamattardyń qoǵamdyq-sayası úderísterge jauapkershílíkpen qaraıtynyn kórsetedí. Sonymen qatar dauys beru úshín barlyq múmkíndíkterdíń tolyq qamtamasyz etílgenín ańǵartady. Būǵan komıssıyalardyń dauys beru tártíbí men rásímderí turaly júrgízgen keń auqymdy aqparattyq-túsíndíru jūmystary da yqpal ettí. Taǵy da atap ótkím keledí – būl múmkíndíkter tolyq árí jan-jaqty qamtamasyz etíldí», – dedí Reseı OSK ókílí.
Natalya Budarına sondaı-aq dauys beru uchaskeleríndegí atmosferaǵa toqtaldy.
«Uchaskelerde óte jyly árí dostyq atmosfera qalyptasty. Mūny referendumǵa qatysushylar da, baqylaushylar da baıqady. Keıbír jerlerde kezek bolǵanyna qaramastan, bárí óte sypaıy árí ūıymshyl jaǵdaıda óttí», – dep qosty ol.
Onyń aıtuynsha, atqarylǵan jūmystar referendumnyń ashyq árí qoljetímdí ótuíne múmkíndík bergen.