Memleket basshysy júrgízíp otyrǵan auqymdy ekonomıkalyq reformalar ayasynda 2025 jyly prokuratura organdary memleket pen qoǵamnyń ekonomıkalyq múddelerín qorǵau baǵytynda eleulí nátıjelerge qol jetkízdí. Būl turaly Berík Asylov H (X) áleumettík jelísíndegí jazbasynda málímdedí, - dep habarlaıdy aqshamnews.kz tílshísí.
Onyń aıtuynsha, jyl basynan berí prokurorlar memleket múddelerín qorǵau boıynsha jalpy somasy 1,1 trln teńgeden astam nátıjege qol jetkízgen. Memleket paıdasyna memlekettík qarajatty jūmsau, memlekettík satyp alu, qorshaǵan ortany qorǵau, jer qoınauyn paıdalanu jáne jerdí ūtymdy paıdalanu salalarynda 470 mlrd teńge kólemíndegí aqsha men múlík tárkílengen.
Bas prokuratura Qarjy jáne Ádílet mınıstrlíkterímen bírlesíp júrgízgen tekserulerdíń nátıjesínde 3 jyldan astam uaqyt boıy būǵattauly tūrǵan jáne byudjetke tólenbegen 193 mlrd teńge dıvıdendtí memleket kírísíne qaıtaru boıynsha sharalar qabyldandy.
Sondaı-aq memleket menshígíne Alatau bauraıyndaǵy, Kaspıı teńízí jaǵalauyndaǵy, Burabaı ūlttyq parkínde ornalasqan olıgopolıyalyq qūrylymdardyń jerlerí, ūzaq jyldar boıy paıdalanylmaǵan qoǵamdyq jaıylymdar jáne ózge de alqaptar qaıtaryldy. Jalpy kólemí 800 myń gektar auyl sharuashylyǵy maqsatyndaǵy jer memleketke óttí. Nátıjesínde bírqatar óńírlerde jaıylym tapshylyǵy máselesí ís júzínde sheshílíp, auyl tūrǵyndaryna jerdí erkín paıdalanu múmkíndígí qamtamasyz etíldí.
Prezıdent bekítken íshkí sayasat qaǵıdattary men «Taza Qazaqstan» tūjyrymdamasy ayasynda tabıǵat paıdalanushylar keltírgen 25 mlrd teńge kólemíndegí ekologıyalyq zalal óteldí. Tsıfrlyq tehnologıyalar, ǵaryshtyq monıtorıng jáne jasandy ıntellekt elementterín qoldanu arqyly ekologtarmen bírlesíp 3,8 myńnan astam zańsyz qoqys orny joıyldy, al qūrylys salushylar 300 myńnan astam jańa jasyl jelek otyrǵyzdy.
Memlekettík basqarudyń tıímdílígín arttyru turaly Prezıdent Jarlyǵyn oryndau sheńberínde prokurorlar jergílíktí atqarushy organdardyń shyǵystaryn ońtaılandyryp, 255 mlrd teńge kólemíndegí negízsíz memlekettík shyǵyndardyń aldyn aldy. Būl kórsetkísh tūtas bír óńírdíń jyldyq byudjetímen para-par.
Atap aıtqanda, Pavlodar men Atyrau oblystarynda jergílíktí organdardyń arnaıy tehnıka men tūrǵyn úılerdí naryqtyq baǵadan úsh ese qymbat satyp alu josparlary toqtatylyp, únemdelgen qarajat áleumettík qajettílíkter men ınfraqūrylymdy damytuǵa baǵyttaldy.
Prokurorlardyń ótíníshhattary men narazylyqtary negízínde 300-den astam azamattyq jáne ákímshílík ís qaıta qaralyp, memleket paıdasyna 22 mlrd teńge óndíríldí. Mysaly, ekí jeke kompanıyanyń kredıttík bereshegí úshín memleketten 1,2 mlrd teńge óndíríp alu turaly sheshím joıylsa, kerísínshe, oryndalmaǵan qaru-jaraqty jóndeu jūmystary úshín memlekettík qorǵanys tapsyrysy paıdasyna 800 mln teńge óndíríldí.
Berík Asylovtyń aıtuynsha, qoǵam men memlekettíń ekonomıkalyq múddelerín qorǵau salasyndaǵy prokurorlyq qadaǵalaudyń tıímdílígí tsıfrlyq tehnologıyalar men jasandy ıntellekt elementterín keńínen engízu esebínen aldaǵy uaqytta da arta bermek.