QR Oqý-aǵartý mınıstrligi pedagogterdiń úzdiksiz kásibı damýyn qamtamasyz etý maqsatynda júıeli jumys júrgizip keledi.
2025 jyldyń basynan beri elimiz boıynsha orta bilim berý júıesiniń 91 myńnan astam pedagogi tegin biliktilikti arttyrý kýrstarynan ótken, - dep habarlaıdy Aqshamnews.kz.
Baǵdarlamalar bastaýysh synyp, qoǵamdyq-gýmanıtarlyq, jaratylystaný-matematıkalyq baǵyttaryndaǵy jáne dene shynyqtyrý páni muǵalimderin qamtıdy. Sondaı-aq, pedagogter ınklúzıvti bilim berý, kóshbasshylyq, ınovasıalar men sıfrlyq quzyrettilik baǵyttary boıynsha da dáris tyńdady.
Onyń ishinde, 70 myńǵa jýyq sala mamany «Órleý» biliktilikti arttyrý ulttyq ortalyǵynda kýrstan ótse, 18 myńǵa jýyǵy «Órken» balalardyń ál-aýqatyn arttyrý ulttyq ǵylymı-praktıkalyq ınstıtýtynda oqytyldy. Sondaı-aq Respýblıkalyq qosymsha bilim berý oqý-ádistemelik ortalyǵy, Ulttyq ǵylymı-praktıkalyq dene tárbıesi ortalyǵy, Arnaıy jáne ınklúzıvti bilim berýdi damytýdyń Ulttyq ǵylymı-praktıkalyq ortalyǵynda arnaıy tegin kýrstar uıymdastyryldy.