Almatyda oqushy ornynyń tapshylyǵyn azaıtyp, bílím beru mekemelerín jańǵyrtuǵa baǵyttalǵan «Keleshek mektepterí» men «1300 mekteptí ońaltu» ūlttyq jobasy júıelí túrde íske asyp jatyr. Bıyl 1 qyrkúıekte qalada 12 jańa mektep ashylmaq. Óńírlík kommunıkatsıyalar qyzmetínde ótken baspasóz konferentsıyasynda Almaty qalasy Bílím basqarmasynyń basshysy Saıran Saıfedenov osylaı dep málímdedí.
Jalpy, «Keleshek mektepterí» jobasy ayasynda 34,8 myń oqushyǵa arnalǵan 21 mektep salynyp jatyr. Onyń íshínde 13 mektep «Samruk-Kazyna Construction» kompanıyasynyń qatysuymen qolǵa alynǵan. Byltyr bír mektep paıdalanuǵa berílse, jańa oqu jylynyń alǵashqy kúní taǵy 7 mektep esígín ashady. Būdan bólek, tamyz aıynyń sońyna deıín taǵy 5 mekteptíń qūrylysy ayaqtalyp, qyrkúıekte ashylmaq.
Qosymsha 8 mektep jeke ınvestorlardyń qatysuymen «satyp alu» mehanızmí arqyly salyna bastady. Sonyń íshínde ekí mektep bıyl qyrkúıekte íske qosylady. Taǵy ekí mektep 2025 jyldyń jeltoqsanynda, qalǵan tórteuí jyl sońyna deıín ashylmaq.
«1300 mekteptí ońaltu» jobasy ayasynda 2025–2027 jyldarǵa arnalǵan Almatydaǵy 31 bílím beru mekemesíníń tízímí jasaqtaldy. 2025 jyly 15 mektepte, 2026 jyly – 9, 2027 jyly – 7 mektepte osyndaı jūmys josparlanǵan. Bes nysanda qūrylys pen qaıta jańartu jūmysy júríp jatyr. Sonymen qatar, jergílíktí byudjet esebínen «Zerdelí» shaǵynaudanynda 550 oryndyq mektep salyna bastady. Nauryzbaı audanynda 1200 oryndyq jańa mektep satyp alu josparlanǵan, ol 2025 jyldyń sońyna deıín qoldanysqa berílmek.
Qalada qosymsha 3 myńnan astam oqushy orny qūrylatyn 13 mektep pen 8 qosymsha ǵımaratty seısmıkalyq kúsheıtu jáne qaıta qūru jūmystary belsendí júríp jatyr. Keıbír nysandar tolyq jańaryp úlgerdí. Oqu jyly bastalǵanǵa deıín taǵy 4 mektep paıdalanuǵa berílíp, jyl sońyna deıín qosymsha 8 mektep ayaqtalady. Qalǵan 8 nysannyń jūmysy 2026 jyly jalǵasady.
Sonymen qatar 8 balabaqsha men Mashına jasau jáne telekommunıkatsıyalar kolledjí kúrdelí jóndeuden ótíp jatyr. Aǵymdaǵy jóndeu jūmystary 188 mektepte, 48 balabaqshada, 15 kolledjde, 7 ınternatta jáne qosymsha bílím beretín 4 mekemede atqarylyp jatyr. Būl maqsatqa 1,8 mlrd teńge bólíngen.
Bílím beru nysandaryn jylytu mausymyna dayarlau jūmysy da ayaqtalyp qalyd. 196 balabaqshanyń 188-í daıyndyq aktísín aldy, qalǵany jóndelíp jatyr. 216 mekteptíń 203-í daıyndyqtan ótse, qalǵany jaqyn arada ayaqtalady. 20 kolledjdíń 19-y daıyn, qosymsha bílím beretín 19 mekemeníń 17-sí qysqa tolyq ázír. Barlyq nysan tamyz aıynyń sońyna deıín jylytu mausymyna daıyn bolmaq.
Osylaısha, Almaty sapaly da qauípsíz bílím beru ortasyn qalyptastyryp jatyr. Jańa mektepterdíń ashyluy men qoldanystaǵy mekemelerdíń jańǵyrtyluy qaladaǵy myńdaǵan oqushyǵa qolaıly jaǵdaı jasamaq.