Қазақстан Жазушылар одағының төрағасы, жазушы Мереке Құлкенов Алматыдағы сайлау учаскесіне келіп, Құрылтай сайлауында дауыс беріп, таңдау жасады, – деп хабарлайды aqshamnews.kz тілшісі.
Мереке Құлкенов сайлауға қатысу әр азаматтың ел болашағына деген жауапкершілігін көрсететінін атап өтіп, қала тұрғындарын азаматтық белсенділік танытып, дауыс беруге шақырды.
«Бүгін жаңа Қазақстанның жаңа Құрылтайын сайлап жатырмыз. Бұл еліміздің болашағына бастар маңызды қадам. Бүгін сайланған партиялар ертең елдің дамуы мен көркеюіне қызмет етеді деп сенемін. Сайлауға келушілердің саны көп болады деген үміттемін. Себебі қазақ халқы бұл сайлауға үлкен үміт артып, болашақта оң өзгеріс болатынына сеніп отыр. Сондықтан барша азаматты сайлауға қатысып, таңдау жасауға шақырамын», – деді Мереке Құлкенов.