Украина президенті Владимир Зеленский Ресей президенті Владимир Путинмен келіссөз жүргізуге дайын екенін мәлімдеді.
Ол мұндай кездесу Қазақстанда өтуі мүмкін екенін айтты, - деп хабарлайды Aqshamnews.kz.
Бұл туралы Зеленский Fox News телеарнасына берген сұхбатында айтты. Журналист Ресей басшысымен диалог жүргізу мүмкіндігі туралы сұрақ қойған кезде, Украина президенті келіссөзге ашық екенін білдіріп, бірнеше ықтимал елдерді атады.
"Біздің командалар Түркия, Сауд Арабиясы, Катар, сондай-ақ Аустрия мен Швейцария сияқты бейтарап еуропалық елдерді ұсынды. Біз тіпті: “Егер қаласаңыз, бұл кездесуді Қазақстанда өткізуге де болады, біз дайынбыз” деп мәлімдедік", – деді Зеленский.