Қаламыздағы «Туризм және қонақжайлылық индустриясы» колледжі – еліміздегі туризм және қоғамдық тамақтану саласында беделді ұйымдармен тығыз байланыс орнатқан оқу орны. Колледждің әлеуметтік серіктестері қатарында:
· Қазақстандық қонақүйлер мен мейрамханалар қауымдастығы (ҚҚжМҚ),
· Қазақстан туристік агенттіктер қауымдастығы (ҚТА),
· Қазақстан тағам кәсіпорындары одағы,
· «Құмбел» мәдени-әлеуметтік және білім беруді дамытудың қазақстандық қоры және басқа да мекемелер бар.
Колледждің басты мақсаты – еңбек нарығының сұранысына сай білікті мамандар даярлау. Осы мақсатта оқу-тәжірибелік шеберханалар заманауи инновациялық жабдықтармен толық жабдықталған. Бұл студенттердің кәсіби дағдыларды меңгеріп, жұмысқа орналасу мүмкіндігін арттырады.
Бүгінде колледж Алматы қаласындағы жетекші кәсіпорындармен 300-ден астам келісімшарт жасасып, студенттерге кәсіби тәжірибеден өтуге мүмкіндік беріп отыр.
2022 жылдан бастап колледжде «Жас маман» жобасы аясында «Қонақжайлылық индустриясы» құзыреттілік орталығы жұмыс істей бастады. Бұл орталық:
· кәсіби құзыреттілікті арттыруға,
· жаңа технологиялық шешімдерді меңгеруге,
· заманауи дағдыларды дамытуға бағытталған.
Сондай-ақ орталық базасында кәсіби байқаулар мен халықаралық чемпионаттарға дайындық жүргізілетін оқу-жаттығу лагерьлері жұмыс істейді.