Бірінші кредиттік бюроның мәліметінше, 2024 жылдың басында Қазақстанда 100 жастан асқан 702 адам өмір сүрді. Бұл көрсеткіш өткен жылмен салыстырғанда 40%-ға өскен.
100 жастан асқан қазақстандықтардың саны екінші жыл қатарынан өсуде. Дегенмен, бұл статистикаға 2022 жылы ұзақ өмір сүретіндер санының күрт төмендеуі әсер етті. Сол жылы 100 жастан асқан қазақстандықтар саны 2,7 мыңнан 315 адамға дейін қысқарған еді.
Қызықты статистика: әрбір 100 жасқа жеткен ер адамға төрт әйел адамнан келеді. Ұзақ жасаушылардың басым бөлігі қалаларда тұрады, олардың ең көп шоғырланған өңірі – Алматы. Екінші орында Түркістан облысы, ал үшінші орында Қостанай облысы орналасқан.
Бірінші кредиттік бюроның айтуынша, қазақстандықтар жалпы алғанда жас ұлт болып қала береді. Елдегі тұрғындардың орташа жасы 32,3 жылды құрайды. Дегенмен, халық біртіндеп қартаюда: соңғы бес жылда орташа жас жарты жылға артты, ал жұмысқа қабілетті жастан асқан тұрғындар үлесі 7,5%-дан 8,8%-ға өсті.