Боран, жолда көру нашарлады
Алматы облысында автокөліктің барлық түрлері үшін қозғалысқа шектеу енгізілді, деп хабарлайды Almaty-akshamy.kz ТЖД-не сілтеме жасап.
Алматы облысында 2021 жылғы 20 қараша күні сағат 14:30-дан бастап ауа райының нашарлауына байланысты (боран, жолда көрудің нашарлауы) «Үшарал-Достық» автожолының 83-184 шақырымында, атап айтқанда, Көктума мен Достық станцияларының арасындағы («Автодор НС» АБК реконструкциялау учаскесі) учаскесінде автокөліктің барлық түрлері үшін қозғалысқа шектеу енгізілді.
Төтенше жағдайларды болдырмау мақсатында көлік иелеріне алыс сапарға шықпауға кеңес беріледі.