Автокөліктің барлық түрлері үшін қозғалыс жабылды
Алматы облысы ТЖД баспасөз қызметі ауа райының нашарлауына байланысты «Үшарал-Достық» автожолының жабылғанын мәлімдеді, деп хабарлайды Almaty-akshamy.kz.
«ҚазАвтоЖол» ҰК АҚ АОФ және «Қазақавтожол» ЖШС Алматы облыстық филиалының хабарламасы бойынша 17.12.2021 ж. сағат 11-00-ден бастап ауа райының нашарлауына байланысты (қатты боран, шектеулі көріну) «Үшарал-Достық» автожолында (84-184 шақырымдары, Көктұма - Достық) автокөліктің барлық түрлері үшін қозғалыс жабылды»,-делінген хабарламада.
Алматы облысының ТЖД азаматтардан осы бағыттағы сапарлардан бас тартуды және 112 қызметі беретін СМС хабарламаларды назардан тыс қалдырмауды сұрайды.
Алыс жолға шыққан кезде ауа-райы болжамымен танысып, төтенше жағдайларда сізге көмектесетін барлық қажетті заттарды өзіңізбен бірге алып жүріңіз.