Қазақстанның үш облысында ауа температурасының күрт төмендеуіне (-35...-40°C) байланысты қоғамдық көлік пен дизель отынымен жүретін көліктердің қозғалысына уақытша шектеу енгізілді, деп хабарлайды aqshamnews.kz «ҚазАвтоЖолға» сілтеме жасап.
Шектеу енгізілген жолдар:
- Шығыс Қазақстан облысы: Өскемен, Риддер, Катонқарағай, Семей бағыттарындағы бірнеше республикалық жол учаскелері.
- Абай облысы: Қалбатау, Зайсан, Семей бағытындағы автожолдар.
- Жетісу облысы: Үшаралдан Шығыс Қазақстан шекарасына дейінгі жол бөлігі.
Шектеулер ауа райы жағдайына байланысты қойылып, жолдағы қауіпсіздікті қамтамасыз ету мақсатында қабылданды. Жүргізушілерге сақтық шараларын ұстану ұсынылады.