2026 жылғы 4 ақпанда Ұлттық қауіпсіздік комитеті Ішкі істер министрлігімен бірлесіп, Бас прокуратураның үйлестіруімен қару-жарақты заңсыз өткізу мен сақтау, қорқытып алу, ұрланған автокөлікті заңдастыру және өзге де қылмыстарға қатысы бар қылмыстық топтардың әрекетін тоқтатуға бағытталған арнайы операция жүргізді, деп хабарлайды Aqshamnews.kz тілшісі.
Іс-шаралар бір мезгілде Алматы, Шымкент қалаларында, сондай-ақ Ақтөбе, Алматы, Шығыс Қазақстан, Жамбыл облыстарында және Абай мен Жетісу облыстарында өтті. Нәтижесінде 20 адам ұсталып, олардың 10-ы уақытша ұстау изоляторына қамалды.
Тінту барысында күдіктілерден атыс қаруы мен оқ-дәрілер, есірткі заттары, ірі көлемдегі ақша қаражаттары және өзге де заттай дәлелдемелер тәркіленді. Қазіргі уақытта сотқа дейінгі тергеп-тексеру жүргізілуде.
ҚПК-нің 201-бабына сәйкес өзге ақпарат жария етілмейді.