Ұлттық жоба 2021-2025 жылдарға арналған
Елордада Қазақстан қоғамының мәдениетін, ағарту және ұлттық рух деңгейін арттыруға бағытталған «Ұлттық рухани жаңғыру» жобасының бағыттары және іске асыру тетіктерін түсіндіру жөніндегі онлайн семинар-конференция өтті, деп хабарлайды Almaty-akshamy.kz.
Жиынға Нұр-Сұлтан, Алматы, Шымкент қалаларының Ішкі саясат басқармалары және «Рухани жаңғыру» өңірлік жобалық кеңселері басшылары қатысты. 2021-2025 жылдарды қамтитын Ұлттық жоба: Рухани жаңғыру құндылықтарын ілгерілету және мемлекеттік тілді дамыту; «Ел рухы» - мәдени шаралар кешені; «Тәуелсіздік ұрпақтары» - жастар үшін жаңа мүмкіндіктер жасау сияқты үш бағыт бойынша іске асырылады.
«Ұлттық рухани жаңғыру» жобасының басты мақсаты ұлттық-мәдени бірегейлікті сақтау және мәдени өнімдерді ынталандыру, олардың сапасы мен алуан түрлілігін арттыру арқылы әрбір қазақстандықтың көркемдік-шығармашылық әлеуетін іске асыру, сондай-ақ жас ұрпақтың бойында рухани адамгершілік құндылықтарды қалыптастыру.
Қазақстандық бірегейлік пен зияткерлік әлеуетті дамыту, мемлекеттік тілді дамыту үшін жағдай жасау, мәдениет саласында қолжетімділік пен сапаны арттыру, отандық мәдени өнімді насихаттау, жастар үшін жаңа мүмкіндіктерді дамыту, NEET санатындағы жастарды әлеуметтендіру, жастарды қоғамдық-пайдалы қызметке тарту жобаның негізгі мәндеттерін құрайды.
Конференция барысында бағыттар бойынша баяндамалар жасалып, жоба аясында туындағын сұрақтар бойынша пікірлер айтылды.
Алдағы уақытта жалпы Ұлттық жобаның ақпараттық-түсіндіру жұмыстары бойынша әдістемелік құрал дайындалып, өңірлерге таратылмақ.