2024 NX1 деп аталатын үлкен астероид 24 желтоқсанға қараған түні Жердің жанынан ұшып өтеді, деп хабарлайды aqshamnews.kz
Daily Mail басылымының жазуынша, 10 қабатты үйдің көлеміндей ғарыштық объект Жерден шамамен 7,21 миллион шақырым қашықтықта сағатына 23 мың шақырым жылдамдықпен өтеді.
NASA астероидтарды бақылау панелінің мәліметтері бойынша, бұл дене Жерге ең жақын нүктесіне 24 желтоқсан күні Гринвич уақытымен 02:56-да жетеді. Мамандар оның диаметрін 29-дан 70 метрге дейін деп бағалап отыр. Мұндай өлшем астероидтың 12 миллион тонна тротилге тең жойқын күшке ие екенін көрсетеді.
Корольдік Гринвич обсерваториясының астрономы Джесс Лидің айтуынша, астероид Жерден шамамен 18 есе алысырақ қашықтықта өтеді. Бұл Жерге соғылу қаупін толығымен жоққа шығарады.
Сонымен қатар, сарапшылардың айтуынша, егер гипотетикалық түрде астероид Жермен соқтығысатын болса, ол 2 мың шаршы шақырым аумақты толықтай жойып жіберер еді. Салыстыру үшін ғалымдар 1908 жылы Сібірге түскен Тунгус метеоритінің шамамен осындай өлшемде болғанын атап өтті.