Қазақстанның Ішкі істер министрлігі Ұланғасыр Камиевтің "әйелдер хиджаб кимегені үшін күйеулері оларды өлтіреді" деген мәлімдемесінде заң бұзушылықтарды анықтамады, деп хабарлайды aqshamnews.kz.
Ішкі істер министрлігінің жауабында Саида Сисембаева берген арыз қаралып, номенклатуралық өндіріске жіберілгені айтылған. Құзырлы органдар әншінің айтқан сөздерінде заң бұзушылық белгілерін көрмеген.
«Ұланғасыр Камиев өзінің Instagram парақшасында жазылушылармен диалог жүргізіп, олардың сұрақтарына жауап берген. Бұл әрекет Қазақстан Республикасының Қылмыстық кодексінің 174-бабының 1-бөлігіне сәйкес қылмыстық құқық бұзушылық құрамын қалыптастырмайды. Қылмыстық құқық бұзушылық құрамының болмауын ескере отырып, арыз бірыңғай сотқа дейінгі тергеп-тексеру тізіліміне тіркелместен номенклатуралық өндіріске жіберілді», — делінген мәтінде.
Бұған дейін әлеуметтік желіде әншінің әйелдердің хиджаб кимегені туралы қатты сын айтқан видеосы тараған болатын.
"Әйелдерді өлтіреді, өйткені олар хиджаб кимейді. Олар ер адамдарды тартып, көріксіз күйде жүреді. Күйеулері оларды қызғаныштан өлтіреді. Хиджабты саналы түрде киген әйел, тіпті басын кесіп тастаса да, оны шешпейді. Мен әйеліме хиджаб кигіземін", — деп мәлімдеген әнші.
Қостанай тұрғыны Саида Сисембаева құқық қорғау органдары мен депутаттардың әншінің сөздеріне назар аудармағанына таңғалғанын айтып, әлеуметтік және гендерлік араздықты қоздыруға қатысты әншінің әрекеттерін тексеруді талап еткен. Әйел e-Otinish порталы арқылы полицияға арыз жазған.