Полиция қызметкерлері үй ауласында жасырылған плантациядан 16 марихуана түбін анықтады, деп хабарлайды Almaty-akshamy.kz Polisia.kz-ке сілтеме жасап.
«Жедел іздестіру іс-шаралары барысында Алматы қаласы Жетісу ауданындағы Щорс көшесі бойындағы үйлердің бірінде 16 түп қарасора тәркіленді. Үй иесі – Б.есімді азамат ұсталды. Сараптама қорытындысына сәйкес тәркіленген түптер марихуана есірткісі болып шықты. Тәркіленген есірткінің жалпы салмағы 3 келі 910 граммды құрады. Құрамында өсіруге тыйым салынған есірткі заттары бар өсімдіктерді заңсыз өсіру дерегі бойынша сотқа дейінгі тергеу амалдары басталды. Бұл әрекеттердің шынайы себебі міндетті түрде анықталатын болады», – деді Алматы қалалық ПД Есірткі қылмысына қарсы күрес басқармасының бастығы Ерлан Әлмағамбетов.