Көптеген адамдар тұзды зиянды деп санайды және оны рационнан толықтай алып тастау қажет деп ойлайды. Алайда, шын мәнінде, тұз адам ағзасына маңызды рөл атқарады.
Тұздың пайдалы әсерлері:
Тұз құрамындағы натрий – ағзадағы тұз-су тепе-теңдігін сақтауға, жүйке жүйесінің жұмысына және бұлшық еттердің жиырылуына қажет. Тұздың жеткілікті мөлшері ағза үшін өте маңызды. Тұздан толық бас тартқан адамда қан қысымы төмендеп, әлсіздік пайда болуы мүмкін, жүрек жұмысы бұзылады.
Тұзды мөлшермен пайдалану маңызды
Тұзды шектен тыс пайдалану қауіпті. Әсіресе, фаст-фуд, қытырлақтар, жартылай дайын өнімдер сияқты тағамдардың құрамында тұз көп. Бұл өнімдерді тұтынғанда абай болу керек. Ең дұрысы, табиғи тұзды мөлшермен пайдалану – күніне 5 грамм.
Тұзды тұтыну нормасы – ағзаға қажетті мөлшерде тұз пайдалану, ал оның артық болуы денсаулыққа зиян келтіруі мүмкін.