Шағын қаптың ішінен 30 грамм марихуана шыққан
Оқиға Перудің Уанкайо қаласындағы абақтыда болды, деп хабарлайды Almaty-akshamy.kz «Хабар 24» телеарнасына сілтеме жасап.
Көгершін жауыннан кейін түрме ауласында пайда болған шалшықтан су ішпек болып қонады. Осы кезде күзешілер оның мойнына бір ілінген затты байқап қалады. Құсты ұстап алып тексере келгенде шағын қаптың ішінен 30 грамм марихуана шығады. Қазір полиция құстың қожайынын іздеп жатыр.
«Көгершіннің мойнына есірткі көтере алатындай мөлшерде ілінген. Біз құс есірткіні түрмедегі сотталғандардың біріне тасып жүрген деп ойлаймыз. Қазір тергеу жүріп жатыр»,-дейді Перу полициясы қоғамдық тәртіп және ұлттық қауіпсіздік бөлімінің басшысы Эдвард Диас.