Аталған дерекке қатысты қылмыстық іс тіркелді.
Түркістандық полицейлер 150 келідей заңсыз ауланған балықты тәркіледі, деп хабарлады Аlmaty-akshamy.kz polisia.kz сілтеме жасап.
Полиция қызметкерлерінің мәліметінше, «Уылдырық» жедел-профилактикалық алдын алу іс-шарасы аясында Мақтарал аудандық полиция бөлімінің қызметкерлері «Охотзоопром» инспекторларымен бірлесіп, заңсыз балық аулау фактісін анықтаған. Оқиға орнынан жалпы 150 келідей сазан балықтары, 1 дана резеңке қайығы, 2 дана шанышқы құралы тәркіленді.
Аталған факт ҚР ҚК-нің 335-бабы 3-бөлігі «Балық, ресурстарын, басқа да су жануарларын немесе өсімдіктерін заңсыз алу» бойынша тіркелді.