Түркістан облысында заңсыз әрекеттер жасаған сотталушылар жазаланды, - деп хабарлайды aqshamnews.kz тілшісі.
Түркістан облысы прокуратурасының Соталды тергеп-тексеру басқармасының арнайы прокурорлары қылмыстық-атқару жүйесі мекемесі әкімшілігінің талаптарына жаппай бағынбау дерегі бойынша қылмыстық істі сотқа жолдады.
Тергеу барысында анықталғаны, қылмыстық-атқару жүйесінің №55 мекемесінде қатаң ұстау жасағында ауыр және аса ауыр қылмыстары үшін жазасын өтеп жатқан алты сотталушы алдын ала сөз байласу арқылы мекеме әкімшілігінен заңмен тыйым салынған - түнде теледидар көру, серуендеуге шығу, өз бетінше тамақ дайындау, белгіленген киім үлгісін кимеуге және заңнамада тыйым салынған өзге де жеңілдіктер беруді талап еткен.
Заңсыз әрекеттерін әзірлеу мақсатында өздеріне жарақаттар салған.
Сот сотталушылардың әрқайсысына 5 жылдан 10 жылға дейін бас бостандығынан айыру жазасын және оны бұрынғыдан да қатаң жағдайда өтеу туралы үкім шығарды.
Түркістан облысында талапқа бағынбаған сотталушылар жазаланды
- 17:28, 10 желтоқсан 2025
сурет: freepik.com