Түркістан облысында полиция өз әкесін аяусыз ұрған ер адамды ұстады, - деп хабарлайды Аqshamnews.kz.
Бұл туралы облыстық полиция департаментінің баспасөз қызметі мәлімдеді.
Әлеуметтік желілерде бір адамның екінші адамға күш көрсетіп жатқан видео тараған еді.
"Оқиға бойынша қылмыстық іс қозғалды. Күдікті ұсталып, уақытша ұстау изоляторына қамалды. Жағдайдың барлық мән-жайы анықталып жатыр", – делінген хабарламада.
Сондай-ақ, қажет жедел-тергеу іс-шаралары жүргізіліп жатқаны және олардың нәтижесі бойынша тиісті шешім қабылданатыны хабарланды.
"Қылмыстық-процестік кодекстің 201-бабына сәйкес, тергеу мүддесіне байланысты басқа ақпарат жарияланбайды", – деп толықтырды ведомствоның баспасөз қызметі.