Түркістан облысының Кентау қаласында алма ағашы гүлдеді
Күз келіп, қазан айының ортасында жеміс ағашының бұлай гүл ашуы қала тұрғындарының таңданысын тудырды, деп хабарлайды Almaty-akshamy.kz «Хабар 24» телеарнасына сілтеме жасап.
Табиғаттың тосын сыйын куәгерлер ұялы телефонға түсіріп, әлеуметтік желіде бөлісті. Тұрғындар мұндай құбылыс қалада бұрын-соңды болмағанын айтып отыр. Мезгілсіз уақытта гүл ашқан алма ағашы қаладағы №1 Ы.Алтынсарин атындағы мектеп-гимназиясының ауласында өсіп тұр. Бұл жемісті ерікті жастар осыдан 6 жыл бұрын ел Тәуелсіздігінің 25 жылдығына орай отырғызған болатын.