Түркияда тікұшақ аурухана ғимаратына соғылып, төрт адам қаза тапты
Түркияның Мугла провинциясының губернаторы Идрис Акбийик медициналық авиация тікұшағының апаты туралы мәлімдемесінде екі ұшқыш, дәрігер және медициналық қызметкер қаза тапқанын хабарлады.
Белгілі болғандай, 22 желтоқсан күні таңертең тікұшақ көтерілу кезінде Мугладағы оқу-зерттеу ауруханасының төртінші қабатына соғылып, жақын маңдағы бос алаңға құлаған.
«Тұман қою, оқиғаның себебі анықталуда. Төрт қызметкеріміз қайтыс болды. Олар Анталияға ұшуы керек еді. Ауруханада зардап шеккендер жоқ. Апат тікұшақ ұшу-қону алаңынан көтерілген сәтте болды», — деді губернатор Идрис Акбийик.